Jeŭrapiejski sajuz adkładzie praceduru vychadu Vialikabrytanii da lutaha, kali jaje premjer-ministr Borys Džonsan nie zmoža zaklučyć ździełku na hetym tydni. Pra heta paviedamlaje The Times sa spasyłkaj na svaje krynicy.
Pry hetym adznačajecca, što Brytanija zmoža vyjści i raniej za luty (1 abo 15 kožnaha miesiaca), kali ŭhoda budzie zaćvierdžana da zakančeńnia adterminoŭki. Kančatkovaje rašeńnie ŭ aljansie nie budzie pryniata da taho času, pakul nie stanie kančatkova jasna pra damoŭlenaści ŭ brytanskim parłamiencie na hetym tydni. U vypadku źjaŭleńnia bolš surjoznych ciažkaściej u Džonsana, takich jak rašeńnie pravieści paŭtorny refierendum, adterminoŭka moža praciahnucca da červienia.
19 kastryčnika parłamient Vialikabrytanii prahałasavaŭ za toje, kab zapytać u Jeŭrasajuza novaj adterminoŭki pa Brexit. Razam z tym premjer-ministr Borys Džonsan zajaviŭ, što nie źbirajecca adkładać vychad ź ES, zapłanavany na 31 kastryčnika.
Brytanija pavinna była vyjści ź ES 29 sakavika, ale parłamient niekalki razoŭ adchilaŭ prapanovu tahačasnaha premjera Terezy Mej pa ŭmovach pahadnieńnia ab vychadzie. Łondan, atrymaŭ ad Brusela adterminoŭku da 12 krasavika, a zatym da 31 kastryčnika. Baki pavinny byli raspracavać ŭzajemaprymalny dahavor, jaki dazvolić zhładzić nastupstvy Brexit.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary