Rasijskaja padłodka «Kniaź Uładzimir» zapuściła «Bułavu» — rakieta pralacieła ad Biełaha mora da Kamčatki VIDEA
Hałaŭnaja atamnaja padłodka prajekta 955A (šyfr «Barej-A») «Kniaź Uładzimir» na vyprabavańniach u Biełym mory ŭpieršyniu praviała stralbu balistyčnaj rakietaj «Bułava». Vučebna-bajavyja błoki rakiety štatna dasiahnuli palihona Kura na Kamčatcy, paviedamili ŭ sieradu ŭ Minabarony RF, piša tass.ru.
Padčas pusku krejsier znachodziŭsia pad vadoj.
Padłodka «Kniaź Uładzimir» zaviaršaje sioleta dziaržaŭnyja vyprabavańni, padčas jakich buduć pratestavany ŭsie vidy jaje ŭzbrajeńnia. Pieradača karabla ŭ skład VMF RF projdzie ŭ śniežni. Padłodka budzie nieści słužbu na Paŭnočnym fłocie.
Raniej u skład VMF RF uvajšli try atamnyja padłodki bazavaha prajektu 955 (šyfr «Barej») «Juryj Dałharuki», «Alaksandr Nieŭski» i «Uładzimir Manamach». «Kniaź Uładzimir» — pieršy stratehičny padvodny krejsier, pabudavany zhodna z abnoŭlenym prajektam 955A (byŭ spuščany na vadu ŭ listapadzie 2017 hoda).
Pavodle Minabarony, jon maje mienšuju šumnaść, lepšyja sistemy manieŭravańnia i ŭtrymańnia na hłybini, a taksama ŭdaskanalenuju sistemu kiravańnia zbrojaj. Usie «Barei» mohuć nieści na borcie pa 16 rakiet «Bułava», taksama padłodki abstalavanyja tarpiednymi aparatami kalibra 533 mm.
Kamientary