Расійская падлодка «Князь Уладзімір» запусціла «Булаву» — ракета праляцела ад Белага мора да Камчаткі ВІДЭА
Галаўная атамная падлодка праекта 955А (шыфр «Барэй-А») «Князь Уладзімір» на выпрабаваннях у Белым моры ўпершыню правяла стральбу балістычнай ракетай «Булава». Вучэбна-баявыя блокі ракеты штатна дасягнулі палігона Кура на Камчатцы, паведамілі ў сераду ў Мінабароны РФ, піша tass.ru.
Падчас пуску крэйсер знаходзіўся пад вадой.
Падлодка «Князь Уладзімір» завяршае сёлета дзяржаўныя выпрабаванні, падчас якіх будуць пратэставаны ўсе віды яе ўзбраення. Перадача карабля ў склад ВМФ РФ пройдзе ў снежні. Падлодка будзе несці службу на Паўночным флоце.
Раней у склад ВМФ РФ увайшлі тры атамныя падлодкі базавага праекту 955 (шыфр «Барэй») «Юрый Далгарукі», «Аляксандр Неўскі» і «Уладзімір Манамах». «Князь Уладзімір» — першы стратэгічны падводны крэйсер, пабудаваны згодна з абноўленым праектам 955А (быў спушчаны на ваду ў лістападзе 2017 года).
Паводле Мінабароны, ён мае меншую шумнасць, лепшыя сістэмы манеўравання і ўтрымання на глыбіні, а таксама ўдасканаленую сістэму кіравання зброяй. Усе «Барэі» могуць несці на борце па 16 ракет «Булава», таксама падлодкі абсталяваныя тарпеднымі апаратамі калібра 533 мм.
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары