Pakinuć 5 hadoŭ strohaha režymu? Prakuror apratestavaŭ prysud anarchistu Źmitru Palijenku
Hienieralnaja prakuratura Biełarusi nakiravała ŭ Viarchoŭny sud apielacyjny pratest na prysud anarchistu Źmitru Palijenku, vyniesieny 25 kastryčnika sudździoj Minharsuda Piatrom Arłovym. Tady sud choć i pryznaŭ byłoha palitviaźnia vinavatym u asabliva złosnym chulihanstvie, ale vyzvaliŭ jaho z-pad varty, pryznačyŭšy pakarańnie, nie źviazanaje z pazbaŭleńniem voli — 3 hady «chatniaj chimii», dy jašče i źniaŭ 1 hod pa amnistyi. Raniej prakuror Alaksandar Karol prasiŭ ad sudu dla Źmitra Palijenki 6 hadoŭ pazbaŭleńnia voli va ŭmovach strohaha režymu, ale prapanoŭvaŭ užyć da jaho amnistyju i źmienšyć pakarańnie da 5 hadoŭ, piša Radyjo Svaboda.
U apelacyjnym prateście ŭ Viarchoŭny sud, jaki padpisaŭ toj ža prakuror Alaksandar Karol, jon znoŭ prosić dla Palijenki 5 hadoŭ strohaha režymu (6 hadoŭ minus hod pa amnistyi). Pavodle prakurora, Mienharsud nie ŭstanaviŭ akaličnaściaŭ, jakija b źmiakčali vinu abvinavačanaha Źmitra Palijenki, i prysud jamu «nie adpaviadaje ciažkaści złačynstva i asobie abvinavačanaha z pryčyny miakkaści».
Źmicier Palijenka hetak prakamentavaŭ apelacyjny pratest, uniesieny Hienprakuraturaj u Viarchoŭny sud:
«Miarkuju, jany heta zrabili z farmalnych pryčyn, tolki kab prademanstravać, što nibyta nie pahadžajucca z sudom. Ale rašeńnie adnosna mianie było całkam palityčnaje. Heta rašeńnie nie suda, a ŭłady. Tamu miarkuju, što inšaha prysudu mnie nie budzie», — skazaŭ Źmicier Palijenka.
Napiaredadni Źmicier Palijenka taksama abskardziŭ vyniesieny jamu prysud. Aktyvist nastojvaje, što całkam nie vinavaty, i patrabuje apraŭdańnia.
Što zapisana aficyjnaj pryčynaj śmierci adzinaha syna Jarmošynaj?9
Kamientary