Pad Minskam mužčyna ŭdaryŭ nažom žonku, zatym pajšoŭ na syna — i toj zabiŭ baćku
Zdareńnie adbyłosia 2 śniežnia kala 22.30 u pasiołku Jubilejny, piša SK.
Tam u adnoj z kvater adbyŭsia kanflikt. I 44-hadovy mužčyna, i jaho žonka, i 22-hadovy syn — usie byli pjanyja.
Padčas svarki jany pierajšli ŭ padjezd doma, dzie mužčyna niekalki razoŭ udaryŭ žonku nažom, paśla čaho nakiravaŭsia ŭ bok syna. Padčas baraćby 22-hadovy chłopiec zmoh vychapić nož i nanios niekalki ŭdaraŭ baćku. Ad atrymanych cialesnych paškodžańniaŭ mužčyna pamior. Žančynu dastavili ŭ balnicu.
Śledča-apieratyŭnaj hrupaj praviedzieny ahlad kvatery i padjezda doma, padčas jakoha kanfiskavana pryłada złačynstva. U dačynieńni da 44-hadovaha mužčyny raspačata kryminalnaja sprava pa č.1 art.14 č.1 art.139 Kryminalnaha kodeksa (zamach na zabojstva).
Dapytanyja paciarpiełaja, śviedki, susiedzi siamji, a taksama 14-hadovy syn, jaki akazvaŭ dapamohu maci da pryjezdu miedykaŭ.
Kamientary