17 śniežnia ŭ «Akademknizie» prezientujuć «Partrety Paŭstańnia» i inšyja knihi Jazepa Januškieviča
Kniharnia «Akademičnaja kniha» (pr.Niezaležnaści, 72). Pačatak a 18.30.
17 śniežnia ŭ «Akademknizie» — prezientacyja paŭdziesiatka knih, aŭtaram i ŭkładalnikam jakich źjaŭlajucca Jazep i Kamiła Januškievičy.
Aŭtary prezientujuć dva vydańni, pryśviečanyja Stanisłavu Maniušku, 200-hodździe jakoha adznačałasia sioleta.
Heta pierakład z polskaj movy narysa Alaksandra Valickaha «Stanisłaŭ Maniuška», zrobleny Januškievičami.
A taksama zbornik materyjałaŭ «Litoŭski Pieŭnik, abo Moj Maniuška», układzieny Januškievičam.
Vykliča cikavaść i fotaalbom «Partrety Paŭstańnia 1863—1865». Heta halereja z 280 fota ŭdzielnikaŭ paŭstańnia Kalinoŭskaha.
Jość i kniha pra samoha Načalnika Paŭstańnia: ese «I pieršym pakazaŭsia Kalinoŭski», vydadzienaje da pierapachavańnia ŭ Vilni pareštkaŭ 20 paŭstancaŭ.
Taksama ŭ časie prezientacyi Januškievičy raskažuć pra 100-y tom załatoj biblateki «Biełaruski Knihazbor», pryśviečany Duninu Marcinkieviču. Ukłaŭ knižku Jazep Januškievič.
Hetyja, a taksama inšyja novyja vydańni i biestsielery možna nabyć u kniharni «Akademičnaja kniha» (pr. Niezaležnaści, 72).
Kamientary