Na terytoryju pradpryjemstva ŭ rajonie vulicy Paniamuńskaj u Hrodnie padkinuli čatyroch ščaniukoŭ. Dvuch zabrali nieabyjakavyja ludzi, a dvoje zabralisia pad bietonnyja plity i nie mahli vybracca. U pałonie žyvioły prasiadzieli kala troch sutak, piša Tut.by.
Zoaabaroncy sprabavali svaimi siłami dastać małych, ale ničoha nie atrymlivałasia. Tady jany vyklikali ratavalnikaŭ, ale i tyja spačatku nie zmahli ničym dapamahčy — treba było adsoŭvać ciažkija plity, a dla hetaha nieabchodna było znajści padjomny kran. Ale ŭsio skončyłasia dobra. Ab vyratavalnaj apieracyi napisali na svajoj staroncy Ukantakcie hrodzienskija vałanciory.
Ale vałanciory sutyknulisia ź jašče adnoj prablemaj — haspadynia plit spačatku nie davała dazvoł ich padymać i niešta ź imi rabić, ale potym usio ž taki pahadziłasia i navat napisała raśpisku, što nie budzie mieć pretenzij, kali jaje majomaść budzie paškodžana. Kran uziaŭsia za rabotu. Kali źniali niekalki plit, vyklikali vyratavalnikaŭ.
Jany niekalki hadzin sprabavali dastać ź bietonnaha pałonu žyvioł — i narešcie ŭsio atrymałasia.
Małych advieźli ŭ kliniku — ź imi ŭsio dobra i ciapier vałanciory šukajuć im dom.
Darečy, u słužbovyja abaviazki supracoŭnikaŭ MNS nie ŭvachodzić vyratavańnie žyvioł, adnak jany vyjazdžajuć na takija vykliki. Ale tolki ŭ tych vypadkach, kali jość svabodnaja bryhada, a apieratyŭnaja abstanoŭka ŭ horadzie heta dazvalaje.
Vałanciory vielmi ŭdziačnyja pažarnym PAVČ-1 Leninskaha rajona Hrodzienskaha haradskoha adździaleńnia pa nadzvyčajnych situacyjach (2 źmiena) za vyratavańnie žyćcia dvuch maleńkich ščaniukoŭ.
Kamientary