ŚMI pakazali videa mierkavanaha rakietnaha ŭdaru pa ŭkrainskim «Boinhu»
Hazieta The New York Times apublikavała na svaim sajcie videazapis, dzie, jak miarkuje vydańnie, iranskaja rakieta traplaje ŭ samalot niedaloka ad aeraporta Tehierana, dzie ŭkrainski avijałajnier pierastaŭ pieradavać svoj sihnał pierad tym, jak raźbiŭsia, piša rbc.ru.
Jak piša vydańnie sa spasyłkaj na videazapis, nievialiki vybuch prahrymieŭ, kali rakieta trapiła ŭ samalot, pry hetym samalot nie vybuchnuŭ. Łajnier praciahnuŭ palot niekalkich chvilin i paviarnuŭ nazad da aeraporta, piša hazieta. Pierad tym jak raźbicca, samalot lacieŭ u bok aeraporta, dadaje vydańnie sa spasyłkaj na inšyja bolš rannija videazapisy.
Upieršyniu videazapis, na jaki spasyłajecca NYT, źjaviŭsia ŭ Twitter Conflict Intelligence Team (CIT), jakaja zajmałasia rasśledavańniem katastrofy MH17 u niebie nad Danbasam. U paviedamleńni havaryłasia, što zapis byŭ apublikavany adnym z aktyvistaŭ iranskaha pachodžańnia.
Mižnarodnaja hrupa žurnalistaŭ-śledčych Bellingcat na svajoj staroncy ŭ Twitter nieŭzabavie paviedamiła, što analizuje videa. Pavodle pieršapačatkovaj acenki, na kadrach pakazany žyły kvartał u zachodniaj častcy horada Parand, niedaloka ad aeraporta Tehierana.
Raniej premjer-ministr Kanady Džaścin Trudo zajaviŭ, što pavodle najaŭnych u kanadskich uładaŭ źviestak, Iran vypadkova źbiŭ łajnier, jaki lacieŭ nad Tehieranam, rakietaj kłasa ziamla-pavietra. Jak patłumačyŭ premjer, źviestki zasnavanyja na krynicach ad sajuźnikaŭ, a taksama ad ułasnaj raźviedki Kanady. Raniej takuju viersiju vykazvali niekalki amierykanskich ŚMI sa spasyłkaj na krynicy ŭ amierykanskaj i irakskaj vyviedcy. U Iranie viersiju ab traplańni rakiety ŭ samalot adviarhajuć. Tam zajaŭlali ab techničnych prablemach z łajnieram.
Łajnier «Mižnarodnych avijalinij Ukrainy» paciarpieŭ krušeńnie ŭ noč na 8 studzienia. Samalot upaŭ nieŭzabavie paśla ŭźlotu z aeraporta Tehierana. Na borcie byli 176 čałaviek, tych, chto vyžyŭ, niama.
Kamientary