ZŠA admovilisia vyvieści vojski ź Iraka, niahledziačy na rašeńnie parłamienta krainy
ZŠA admovilisia vyvieści vojski ź Iraka, niahledziačy na rašeńnie parłamienta Iraka pra vyvad zamiežnych vojskaŭ z terytoryi krainy.
Pra heta paviedamlaje ahienctva Rojterz, cytujučy adkaz Dziarždepartamienta ZŠA na adpaviednuju prośbu premjer-ministra Iraka Adeła Abduła Machdzi.
Machdzi ŭ čaćvier telefanavaŭ dziaržaŭnamu sakrataru ZŠA Majku Pampiea, kab prasić jaho ab vyvadzie amierykanskaha kantynhientu.
Dziaržaŭny departamient ZŠA paviedamiŭ, što amierykanski bok nie budzie abmiarkoŭvać vyvadu vojskaŭ, bo ich znachodžańnie tam «darečnaje».
Irak apynuŭsia arenaj prociborstva ZŠA i Irana, u toj čas jak sama kraina paśla amierykanskaj akupacyi pazbaŭlenaja dziejsnych siłavych struktur, jakija mahli b supraćstajać zamiežnym siłam.
Na siońnia ŭ Iraku dziejničajuć nie tolki amierykanskija vajskoŭcy (ich kala 5000), ale i kantynhienty inšych krain NATA. Raniej ich znachodžańnie tam apraŭdvałasia praciaham zmahańnia suprać tak zvanaj «Isłamskaj dziaržavy».
Na minułym tydni na terytoryi Iraka ZŠA zabiła vysokapastaŭlenaha iranskaha kamandzira Sulejmani, paśla čaho Iran nanios rakietny ŭdar pa amierykanskich vajskovych bazach. Amierykancy nie zdoleli źbić hetyja rakiety, bo nie majuć na terytoryi Iraka efiektyŭnych srodkaŭ supraćpavietranaj abarony. Ale najaŭnaść raźvieddadzienych pra budučy ŭdar dazvoliła amierykanskim vajskoŭcam svoječasova pieramiaścicca ŭ schoviščy, u vyniku čaho achviar siarod ich niama.
Kamientary