U Minzdaroŭja raspaviali, jak pravilna nasić miedycynskija maski
U Minzdaroŭja nahadali, jak pravilna nasić miedycynskija maski, kamu i kali ich lepš vykarystoŭvać, paviedamlaje BIEŁTA.
«Našeńnie maski — heta dadatkovaja krynica zaściarohi. Na vulicy imaviernaść taho, što na čałavieka patrapić čaścica, zaražanaja virusam, minimalnaja. Što tyčycca miescaŭ masavych skapleńniaŭ ludziej, to ŭ ich možna pry žadańni vykarystoŭvać masku», — havorycca ŭ paviedamleńni.
Pry hetym u ministerstvie źviarnuli ŭvahu na rekamiendacyi SAAZ: u bytavych umovach bolš efiektyŭna vykonvać ahulnyja praviły asabistaj hihijeny, a nie nasić maski. Elemientarnyja praviły lepš dapamahajuć spraŭlacca z raspaŭsiudžvańniem virusnych infiekcyj (u tym liku z hrypam). «Nie dakranajciesia brudnymi rukami tvaru, staranna myjcie ruki z myłam (nie mienš za 20 siekund), viadzicie zdarovy ład žyćcia, kab umacoŭvać svoj imunitet».
Nasić miedycynskija maski bolš efiektyŭna zachvarełym ludziam, kab nie raspaŭsiudžvać infiekcyju. Pry našeńni maski nielha palić, jeści ci pić, ssunuŭšy jaje ŭ bok. Siaredni čas vykarystańnia maski — 2-3 hadziny.
Miedycynskaja maska moža źnizić virusnuju nahruzku (u vypadku jak z karanavirusam, tak i lubym inšym infiekcyjnym zachvorvańniem, u tym liku na hryp). «Adnak nieabchodnaści ŭ masavaj skupcy masak u biełarusaŭ niama, bo vypadkaŭ zavozu karanavirusa ŭ krainu nie zafiksavana», — padkreślili ŭ viedamstvie.
Ministerstva achovy zdaroŭja kantraluje situacyju zhodna z najaŭnaściu ŭ aptekach miedycynskich masak. Biełaruskija kampanii vypuskajuć ich bolš za 100 tysiač u dzień.
«Štodnia na handlovych składach miedycynskich handlovych pradpryjemstvaŭ Biełarusi ŭ najaŭnaści bolš za 1,5 młn miedycynskich masak roznych vytvorcaŭ», — infarmuje pres-słužba.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary