Starych u Turkmienistanie hadzinami prymušali repieciravać i stroicca ŭ honar vizitu prezidenta krainy ŭ horad Turkmienabad. Pra heta piša «Chronika Turkmienistana».
Hurbanhuły Bierdymuchamiedaŭ pryjazdžaŭ u piatnicu, 21 lutaha, kab adkryć novuju miačeć. Za tydzień da hetaha miascovyja ŭłady pačali ŭ aŭralnym režymie pryvodzić horad u paradak i restaŭravać budynki na centralnych vulicach. Na terytoryi staroj miačeci dla aksakałaŭ zładzili treniroŭki: kožny ź ich pavinien byŭ zapomnić, dzie stajać i što rabić u tych ci inšych vypadkach.
Za dzień da pryjezdu prezidenta starejšyn sklikali na novuju repietycyju. Jana praciahvałasia z 17 da 23 hadziny. Uvieś hety čas starym nie dazvalali ni pić, ni jeści.
Samyja pavažanyja ź ich pavinny byli asabista vitać Bierdymuchamiedava, a sielskija starejšyny — moŭčki stajać zzadu ŭ jakaści statystaŭ.
Padčas čarhovaj repietycyi adnamu z mužčyn, jaki pakutavaŭ na dyjabiet, stała błaha — jon pavaliŭsia i straciŭ prytomnaść. Adnak supracoŭniki Ministerstva nacyjanalnaj biaśpieki zabaranili inšym starejšynam akazvać pieršuju dapamohu i zahadali ŭsim zastavacca na miescach. Paciarpiełaha adciahnuli supracoŭniki palicyi za terytoryju, i tolki tam miedykaŭ puścili da paciarpiełaha.
Ale, niahledziačy na źniasilvajučyja treniroŭki, ź nieviadomaj pryčyny sustreć prezidenta adpravili tolki niekalkich starejšyn. Astatnim zahadali čakać na druhim paviersie budynka. Spuścicca aksakałam dazvolili tolki tady, kali pačałasia zdymka telesiužeta ab dabračynnym abiedzie.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary