ZŠA adpracoŭvali jadzierny ŭdar pa Biełarusi? Tonki ŭkid

Niekatoryja biełaruskija ŚMI biez sumnievu pieradrukavali paviedamleńnie, što ŭ ZŠA ŭ chodzie vučeńniaŭ nibyta byŭ zymitavany jadzierny ŭdar pa Biełarusi.

Aŭtary nie razabralisia ŭ tekście pieršakrynicy. U vyniku vychodziła, što ZŠA ŭ adkaz na kanviencyjny napad Rasii na bałtyjskija krainy vyrašyli pieršymi ŭžyć jadziernuju zbroju, pryčym pa terytoryi Biełarusi, jakaja nibyta navat nie vykarystoŭvałasia Rasijaj dla zychodnaha napadu. Da taho ž, žurnalist adnaho biełaruskaha ŚMI źviazaŭ dadzieny epizod z praviedzienymi niadaŭna vučeńniami amierykanskich vajskoŭcaŭ, u jakich praduhledžvałasia naniasieńnie ŭ adkaz jadziernaha ŭdaru pa Rasii paśla prymianieńnia joj jadziernaj zbroi suprać sajuźnikaŭ ZŠA ŭ Jeŭropie.

Svoj analiz artykuła Slate zrabiŭ telehram-kanał Forstrategy. I voś što jany pišuć. Vučeńni, u jakich dapuskaŭsia jadzierny ŭdar pa Biełarusi:

1. Prachodzili jašče pry administracyi Baraka Abamy.

2. Praduhledžvali ŭ jakaści ŭmovy naniasieńnie Rasijaj jadziernaha ŭdaru pa celach u Jeŭropie ŭ ramkach daktryny «eskałacyi dla deeskałacyi». Heta značyć, spačatku Rasija kanviencyjnymi srodkami napadała na dziaržavu Bałtyi. U adkaz na kanviencyjnaje supraćdziejańnie rasijskaj atacy z boku NATA rasijskija hienierały vyrašyli ŭžyć jadziernuju zbroju. Rasijskija stratehi sapraŭdy ličać dapuščalnym naniasieńnie Rasijaj pieršaha jadziernaha ŭdaru dla «deeskałacyi napružanaści».

Dadzienaja teza zamacavanaja ŭ Vajennaj daktrynie Rasii, zhodna ź jakoj Rasija moža pieršaj nanieści jadzierny ŭdar «u vypadku ahresii suprać Rasijskaj Fiederacyi z užyvańniem zvyčajnaj zbroi, kali pad pahrozu pastaŭlena samo isnavańnie dziaržavy», u tym liku, kali takaja «ahresija» ažyćciaŭlajecca suprać rasiejskich Uzbrojenych Sił, jakija dziejničajuć za miežami Rasii. U «Asnovach dziaržaŭnaj palityki RF u halinie vajenna-marskoj dziejnaści» ad 2017 hoda taksama skazana, što «va ŭmovach eskałacyi vajennaha kanfliktu demanstracyja hatoŭnaści i rašučaści prymianieńnia siły z vykarystańniem niestratehičnaj jadziernaj zbroi źjaŭlajecca dziejsnym strymlivajučym faktaram».

3. Adpaviedna, vučeńnie ŭ ZŠA ŭličvała varyjanty naniasieńnia jadziernaha ŭdaru ŭ adkaz na rasiejski pieršy jadzierny ŭdar.

Darečy, u vučeńniach u lutym 2020 hoda vajennyja ZŠA taksama adpracoŭvali zvarotny jadzierny ŭdar — u adkaz na prymianieńnie Rasijaj pieršaj jadziernaj zbroi nizkaj mahutnaści suprać infrastruktury na terytoryi krainy NATA.

Biełaruś jak sajuźnica Rasii niepaźbiežna stała b abjektam udaru NATO ŭ vypadku vajennaha kanfliktu, kali biełaruskaja armija budzie častkaj rasijskaj hrupoŭki. Ale havorka nie idzie pra ŭdar asobna pa Biełarusi ŭ vypadku jaje niejtralnaści ŭ kanflikcie.

• 0
• 0
• 0
• 0
• 0
• 0
• 0
• 0