Małady milicyjant zrabiŭ zaŭvahu kampanii ŭ elektryčcy — jaho ŭdaryli ŭ tvar
Jak pieradaje Śledčy kamitet, 21-hadovy małady čałaviek jechaŭ u pieršym vahonie elektraciahnika Asipovičy — Minsk i ŭbačyŭ u tambury kampaniju maładych ludziej, jakija kuryli. Choć u toj dzień chłopiec nie znachodziŭsia na słužbie, jon pradstaviŭsia maładzionam supracoŭnikam milicyi, pakazaŭ słužbovaje paśviedčańnie i zrabiŭ zaŭvahu. Na što chłopcy z hetaj kampanii pačali abražać paciarpiełaha, a kali ŭsie vyjšli z vahona, dvoje ź ich nanieśli ŭdary ŭ tvar i šturchnuli jaho ŭ śpinu.
Śledčyja vyśviatlajuć abstaviny zdareńnia i asoby padazravanych, jakija ŭciakli ź miesca zdareńnia.
U dačynieńni da 22-hadovaha chłopca zaviedziena kryminalnaja sprava pa artykule «hvałt u dačynieńni da supracoŭnika orhanaŭ unutranych spraŭ». Ciapier śledčyja šukajuć pasažyraŭ, jakija stali śviedkami kanfliktu ŭ tambury i na pieronie, i prosiać źviarnucca va USK pa horadzie Minsku pa telefonie (8017) 389 55 55 abo (8044) 500 31 11.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary