Малады міліцыянт зрабіў заўвагу кампаніі ў электрычцы — яго ўдарылі ў твар
Як перадае Следчы камітэт, 21-гадовы малады чалавек ехаў у першым вагоне электрацягніка Асіповічы — Мінск і ўбачыў у тамбуры кампанію маладых людзей, якія курылі. Хоць у той дзень хлопец не знаходзіўся на службе, ён прадставіўся маладзёнам супрацоўнікам міліцыі, паказаў службовае пасведчанне і зрабіў заўвагу. На што хлопцы з гэтай кампаніі пачалі абражаць пацярпелага, а калі ўсе выйшлі з вагона, двое з іх нанеслі ўдары ў твар і штурхнулі яго ў спіну.
Следчыя высвятляюць абставіны здарэння і асобы падазраваных, якія ўцяклі з месца здарэння.
У дачыненні да 22-гадовага хлопца заведзена крымінальная справа па артыкуле «гвалт у дачыненні да супрацоўніка органаў унутраных спраў». Цяпер следчыя шукаюць пасажыраў, якія сталі сведкамі канфлікту ў тамбуры і на пероне, і просяць звярнуцца ва УСК па горадзе Мінску па тэлефоне (8017) 389 55 55 або (8044) 500 31 11.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»18
Каментары