Pra heta Alaksandr Łukašenka zajaviŭ siońnia na sustrečy sa staršynioj Kalehii Jeŭrazijskaj ekanamičnaj kamisii Michaiłam Miaśnikovičam, piša BIEŁTA.
«My zastajomsia, jak zaŭsiody, addanyja realnaj intehracyi biez prymusu da intehracyi (novy termin źjaviŭsia ŭ sajuzie — «prymus da intehracyi»). I dziŭna, što pačałosia heta z prymusu da intehracyi Biełarusi. Razumiejecie, pra što idzie havorka», — zajaviŭ biełaruski kiraŭnik.
Jon nahadaŭ, što jašče razam ź pieršym prezidentam Rasii Barysam Jelcynym biełaruski bok zaŭsiody inicyjavaŭ realnuju intehracyju: «našych dziaržaŭ — Rasii i Biełarusi, ekanomik, žyćcia ludziej i hetak dalej. Zachoŭvajučy suvierenitet i niezaležnaść».
«My tady naohuł nie kazali pra toje, što chtości pavinien stracić suvierenitet i niezaležnaść. Pry ŭsich składanaściach ŭ tyja časy my znachodzili raźviazki pa składanych pytańniach. Kali razbahacieli, asabliva Rasija, pačalisia niezrazumiełyja šturchanina i vałtuźnia. I, jak ja ŭžo skazaŭ, prymus da intehracyi», — źviarnuŭ uvahu Alaksandr Łukašenka.
«My płanujem padpisać u mai stratehiju intehracyi da 2025 hoda. My pavinny prapanavać surjozny varyjant stratehii, kali my chočam pabudavać naš sajuz», — dadaŭ jon.
Ciapier čytajuć
U pieramovach z Koŭłam hetym razam biare ŭdzieł i Turčyn2
U pieramovach z Koŭłam hetym razam biare ŭdzieł i Turčyn
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary