Daradca Naŭsiedy: Źbity ŭnačy nad Litvoj bieśpiłotnik, imavierna, adchiliŭsia ad kursu
Pakul niajasna, rasijski ci ŭkrainski byŭ dron.
Paśla taho, jak u noč na aŭtorak źniščalniki NATA źbili bieśpiłotnik u Kajšadorskim rajonie, hałoŭny daradca prezidenta Litvy pa pytańniach nacyjanalnaj biaśpieki Dejvidas Matulonis zajaviŭ, što dron, vierahodna, źbiŭsia z kursu, piša LRT.
Pavodle jaho słoŭ, ciapier niezrazumieła, byŭ heta rasijski ci ŭkrainski bieśpiłotnik.
«Chutčej za ŭsio, heta rasijski abo ŭkrainski dron, jaki adchiliŭsia ad kursu, ale na siońniašni dzień my nie možam adkazać dakładna», — skazaŭ Matulonis u aŭtorak u intervju radyjostancyi Ziniu radijas.
«Mahčymy i varyjant, što jon byŭ śpiecyjalna zapuščany na terytoryju Litvy. Adkazać na heta pavinna rasśledavańnie», — adznačyŭ čynoŭnik.
Jon papiaredziŭ, što kolkaść padobnych incydentaŭ moža ŭzraści. Kamientujučy paviedamleńni ŭ sacyjalnych sietkach pra toje, što huk bieśpiłotnika byŭ čutny jašče da aficyjnaj zajavy ŭładaŭ, daradca prezidenta nazvaŭ heta narmalnaj situacyjaj.
Pavodle jaho słoŭ, z momantu vyjaŭleńnia radarami abjekta, jaki lacić, da rassyłki papiaredžańniaŭ žycharam prachodzić peŭny čas, pakolki rašeńnie ab hetym prymajecca na padstavie vyznačanych kryteryjaŭ.
«Heta pytańnie niekalkich chvilin. Chto zaŭvažyŭ pieršym — žychar ci vajskoŭcy, — pryncypovaha značeńnia nie maje», — skazaŭ Matulonis.
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»31
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary