Turcyja: Rasija viedała miesca dysłakacyi zahinułych sałdat, paŭstancaŭ tam nie było
Udary pa vajennych pazicyjach Turcyi ŭ Idlibie byli naniesieny, niahledziačy na kaardynacyju z rasijskim bokam, jakomu Ankara zahadzia paviedamiła pra raźmiaščeńnie Uzbrojenych sił Turcyi.
Pra heta zajaviła ministerstva abarony Turcyi, paviedamlaje Jeŭrapiejskaja praŭda sa spasyłkaj na tureckaje dziaržaŭnaje ahienctva Anadolu.
U noč na piatnicu ŭ siryjskaj pravincyi Idlib ŭ vyniku pavietranych udaraŭ vojska prezidenta Siryi Bašara Asada i rasijskich vojskaŭ zahinuli pa mienšaj miery 33 tureckija sałdaty.
«Na momant avijaŭdaru pa tureckich vajennych pazicyjach u Idlibie ŭ siektary nie było ŭzbrojenych apazicyjnych hrup», — zajaviła ministerstva abarony Turcyi.
Pa słovach ministra Chułusi Akara, udary pa tureckich vajennych pazicyjach u Idlibie praciahvalisia, niahledziačy na papiaredžańnie Ankary. Udary nanosilisia navat pa vajskovych mašynach chutkaj dapamohi.
Pavodle źviestak Ministerstva abarony Turcyi, tureckaja armija źniščyła ŭ Idlibie 5 viertalotaŭ, 23 tanki, 23 harmaty i samachodki, zienitna-rakietny kompleks SA-17, zienitna-rakietny kompleks SA-22 i niejtralizavała 309 prychilnikaŭ Bašara Asada.
«Na fonie dypłamatyčnych i palityčnych namahańniaŭ pa ŭrehulavańni siryjskaha kanfliktu tureckija vajskoŭcy byli žorstka atakavanyja, na što budzie žorstki adkaz», — zajaviŭ śpikier tureckaha parłamienta Mustafa Šentop.
Pavietrany ŭdar adbyŭsia paśla taho, jak rasijskaja delehacyja praviała dva dni ŭ Ankary dla pieramovaŭ z tureckimi čynoŭnikami nakont situacyi ŭ Idlibie. Ministerstva abarony Rasii śćviardžaje, što tureckija vojski, jakija patrapili pad abstreł siryjskich vojskaŭ 27 lutaha, uvachodzili ŭ lik bajevikoŭ.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary