Mužčyna tolki pastaviŭ sietki i adrazu jaho zatrymali pryrodaachoŭniki, paviedamlaje «Viečiernij Bobrujsk».
Zdaryłasia heta 16 lutaha ŭviečary na race Oła pablizu vioski Michalova-1.
Padčas płanavaha rejdu pa rajonie supracoŭniki inśpiekcyi ŭbačyli mužčynu, jaki stavić sietki na race. Jak tolki jon skončyŭ svaju spravu, jaho adrazu zatrymali. Parušalnik — 41-hadovy žychar vioski Vialikija Bortniki, nidzie nie pracuje. Raniej mužčyna ŭžo nieadnarazova pryciahvaŭsia da kryminalnaj i administracyjnaj adkaznaści za niezakonnuju rybałku. Na hety raz jamu pryjdziecca adkazvać pa častcy 1 artykuła 15.35 Kodeksa ab administracyjnych pravaparušeńniach. Jamu pahražaje pakarańnie ad 20 da 50 bazavych vieličyń (ad 540 da 1350 rubloŭ).
Kamientary