U Viciebsku stvaryli štab pa baraćbie z karanavirusam. Pieršaje pasiadžeńnie pravioŭ Karanik
Dla kaardynacyi dziejnaści pa baraćbie z raspaŭsiudžvańniem karanavirusnaj infiekcyi stvorany abłasny štab na čale sa staršynioj abłvykankama Mikałajem Šarstniovym. U jaho pasiadžeńni ŭziaŭ udzieł ministr achovy zdaroŭja Uładzimir Karanik, paviedamlajuć «Vićbičy». Abłasny štab budzie źbiracca kožnuju ranicu.
Na pasiadžeńni abmierkavali ŭsie arhanizacyjnyja pytańni zabieśpiačeńnia efiektyŭnaj pracy achovy zdaroŭja, kab trymać situacyju z raspaŭsiudžvańniem virusa pad kantrolem, zabiaśpiečyć biaśpiečnyja ŭmovy pracy dla miedykaŭ, jakija znachodziacca siońnia na pieradavoj baraćby za zdaroŭje nasielnictva.
— Test-sistem u respublicy dastatkova, — adznačyŭ Uładzimir Karanik, — my budziem adhružać ich pa zajaŭkach vobłaści pa miery nieabchodnaści. Toje ž i z achoŭnymi srodkami, na fabrycy «Słavianka» dla vas zareziervavali 100 tysiač achoŭnych masak. Respublika hatova akazvać usio nieabchodnaje sadziejničańnie.
Staršynia abłvykankama Mikałaj Šarstnioŭ vykazaŭ hatoŭnaść, kab ni ad kaho nie zaležać, arhanizavać na miescy vyrab zaścierahalnych srodkaŭ dla miedykaŭ, uklučajučy pašyŭ achoŭnych kaściumaŭ na šviejnych pradpryjemstvach rehijona.
Apytanka
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary