Biełarusy zastajucca zabłakavanymi ŭ Vjetnamie, Indaniezii, Indyi i Tajłandzie
Fota Dźmitryja Bruško
Kala dvuch dziasiatkaŭ pazapłanavych rejsaŭ daviałosia zrabić samalotam «Biełavija», kab viarnuć dadomu biełaruskich turystaŭ. Pra heta telekanału «Biełaruś 1» paviedamiŭ namieśnik hiendyrektara kampanii Ihar Čarhiniec, adznačaje Radyjo Svaboda.
Pavodle Čarhinca, tolki ź Jehipta było vyvieziena 7,5 tysiač biełarusaŭ i hramadzianaŭ inšych krain. Pry hety dahetul zastajucca składanaści ź viartańniem niearhanizavanych turystaŭ z Vjetnama, Indaniezii, Indyi, Tajłanda.
«Arhanizacyja rejsaŭ vielmi składanaja, — adznačyŭ Čarhiniec. — Treba rabić minimum adnu pasadku na dazapraŭku, a ŭ vypadku z Bali — pa dźvie pa šlachu ŭ toj bok i nazad. Heta składana z techničnaha punktu hledžańnia dla ekipažaŭ, ciažka dla samich pasažyraŭ, da taho ž kaštuje vialikich hrošaj».
Pry hetym jon padkreśliŭ, što z-za miažy ludziej vyvoziać pa minimalnaj canie kvitkoŭ.
Raniej Ministerstva sportu i turyzmu ahučyła, što dapamoha ŭ viartańni spatrebiłasia pryblizna 8 tysiačam biełarusaŭ, jakija kuplali pucioŭki i sutyknulisia z zakryćciom miežaŭ z pryčyny karanavirusa. Dakładnaja kolkaść niearhanizavanych turystaŭ nieviadomaja.
Ihar Čarhiniec taksama raskazaŭ, što pandemija karanavirusa vielmi mocna ŭmiašałasia ŭ płany «Biełavija» — pasažyrapatok abvaliŭsia na 90%. Da apošniaha času i avijakampanija, i Nacyjanalny aeraport demanstravali rost — bolš za 30% u paraŭnańni ź minułym hodam. Ciapier ža vymušanyja mianiać płany zakupki samalotaŭ, karektavać novyja maršruty.
«Da kanca my jašče nie adčuli sapraŭdny maštab biedstva», — padsumavaŭ namieśnik hiendyrektara «Biełavija».
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla14
Kamientary