Pamierłamu žurnalistu Vasilu Mackieviču napisali dyjahnaz «pazabalničnaja dvuchbakovaja polisiehmientarnaja pnieŭmanija»
46-hadovaha žurnalista «Miedyja-Paleśsie» Vasila Mackieviča pachavali ŭ vioscy Zavidčycy Pinskaha rajona, dzie spačyvaje jaho maci. Adpiavańnie adbudziecca dystancyjna ŭ hreka-katalickaj carkvie ŭ Breście.
Vasil Mackievič pamior ranicaj 11 krasavika, u reanimacyjnym adździaleńni Pinskaj centralnaj balnicy. Ad čaho — rodnyja nie viedali da dnia pachavańnia. 12 krasavika siastry Vasila paviedamili ź Pinskaha zanalnaha centra hihijeny i epidemijałohii, što test na karanavirusnuju infiekcyju admoŭny. U paniadziełak rodnym vydali miedycynskaje zaklučeńnie, dzie pakazany dyjahnaz — «pazabalničnaja dvuchbakovaja polisiehmientarnaja pnieŭmanija».
Syn Vasila, 18-hadovy Adam, na pachavańni baćki prysutničać nie zmoh. Jon zaraz znachodzicca ŭ infiekcyjnaj lakarni ŭ Małatkovičach.
Vasil źbiraŭ hrošy na apieracyju synu. «Miedyja-Paleśsie» abjaviła zbor srodkaŭ u dapamohu siamji kalehi. Vydańnie prosić usich nieabyjakavych ludziej ab dapamozie.
Kamientary