Pieršy vyprabavalnik vakcyny ad karanavirusa raskazała pra svaje adčuvańni
Amierykanka Dženifier Chaler, jakaja stała pieršym čałaviekam u śviecie, na kim vyprabavali ekśpierymientalnuju vakcynu ad karanavirusa COVID-19, u intervju The Telegraph raspaviała ab pieraniesienych adčuvańniach.
Pa słovach 44-hadovaj pacyjentki, jakaja zaraz znachodzicca ŭ izalacyi ŭ Sietle, štat Vašynhton, joj zrabili injekcyju ŭ levaje plačo. Pracedura doŭžyłasia ŭsiaho niekalki siekund.
«U pieršy dzień u mianie była źlohku padvyšanaja tempieratura. Na druhi dzień u mianie mocna baleła ruka. Ale na hetym usio — zatym usio było ŭ paradku», — raskazała jana. Pa słovach Chaler, praces uvodu injekcyi byŭ padobny na zvyčajnuju vakcynacyju ad hrypu.
Jak adznačaje vydańnie, na nastupnym tydni Chaler pavinny ŭvieści druhuju dozu vakcyny. Pad nahladam daktaroŭ jana budzie znachodzicca na praciahu hoda.
The Telegraph piša, što hetaja vakcyna atrymała nazvu mRNK-1273. Jana była raspracavana Nacyjanalnym instytutam alerhii i infiekcyjnych zachvorvańniaŭ u Sietle. Spačatku jaje pratestavali na žyviołach; vyniki byli pierśpiektyŭnyja, paśla čaho było pryniata rašeńnie aprabavać jaje na čałavieku.
Dla vyprabavańnia byli adabranyja 45 dobraachvotnikaŭ. Kožnamu ŭviaduć pa dźvie injekcyi adnoj i toj ža dozy ź intervałam u 28 dzion. Pry hetym dozy buduć adroźnivacca pa abjomie (25, 100 i 150 mikrahramaŭ). Za stanam zdaroŭja dobraachvotnikaŭ, jakija vyrašyli ŭziać udzieł u testavańni, buduć nazirać da viasny 2021 hoda.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary