Kniharnia «Halijafy» zapuściła antykryzisnyja źnižki i spadziajecca, što ceny na knihi pryjemna ździviać čytačoŭ.
Volha Hapiejeva. Kemeł-Treveł
Navatarski raman Volhi Hapiejevaj «Kemeł-Treveł» apisvaje suśviet, dzie suisnavali niekalki rečaisnaściaŭ, himnaŭ, stalicaŭ, identyčnaściaŭ. Na hetym fonie razhortvajucca pieršyja žyćciovyja pryhody hałoŭnaj hieraini, jakaja dalokaja ad idealizacyi byłych časoŭ, ad nastalhii. Hety raman — historyja čałaviečaj krochkaści i davieru ŭ epochu žudy i deficytu nie tolki praduktaŭ, ale i pačućciaŭ.
Sioleta paetyčnaja kniha Volhi Hapiejevaj «Čornyja maki» trapiła ŭ karotki śpis premii Natalli Arsieńnievaj.
Viera Burłak. Fantaziurki
Što śpiavajuć roznyja mašyny? Adkul biarucca i kudy źnikajuć začaravanyja domiki? Jakija padziei razhortvajucca ŭ łužynach? Amataram pafantaziravać, małym i vialikim, — novaja knižka vieršaŭ Viery Burłak.
Kniha atrymała Premiju Ciotki jak najlepšaja kniha hoda dla dziaciej i padletkaŭ.
Jana była. She was
Meta hetaj knihi — padtrymać histaryčnuju spraviadlivaść u dačynieńni da našych suajčyńnic. Heta 16 historyj pośpiechu žančyn, jakija stali častkaj historyi Biełarusi XIX i XX stahodździa. Ich historyi zachaplajuć, ich układ uražvaje, ich prykład natchniaje. I kali heta zrabiła jana tady, to i siońnia kožnaja dziaŭčynka zmoža!
Aŭtarki prajekta Iryna Sałamacina i Natalla Kucharčyk.
Michael Kiolmajer. Dziaŭčynka z naparstkam
Hałodnaja hierainia prychodzić u kramu. Jana nie razumieje ničoha z taho, što joj kažuć, ale na słovie «palicyja» pačynaje kryčać. Chto jana i adkul? Jak zaviecca? «Jica», — kaža jana, choć viedaje, što Jica — heta nie imia. Paźniej u prytułku jana sustrenie dvuch chłapčukoŭ: Šamchan z Aryjanam takija ž ničyjnyja dzieci, jak i jana sama. Razam jany vypraviacca šukać sabie miesca ŭ nieviadomym horadzie.
U centry ŭvahi Michaela Kiolmajera takija bazavyja temy, jak cialesnaść, mova, poviazi miž ludźmi. «Dziaŭčynka z naparstkam» — heta apovied nie tolki pra žyćcio na zadvorkach hramadstva, ale i pra čałaviečaje byćcio naahuł.
Pierakład ź niamieckaj Iryny Hierasimovič.
Eryk Karł. Vielmi hałodny vusień
Heta dziciačaja knižka z malunkami amierykanskaha piśmieńnika Eryka Karła. Tekst knihi ŭjaŭlaje saboj historyju vusienia pierad jaho pieratvareńniem u matylka. Kniha na kardonnych listach, jarkaja asablivaść — najaŭnaść dzirak u kardonie («prajedzienych» vusieniem).
Ahulny nakład aryhinalnaj knihi skłaŭ bolš za 30 miljonaŭ asobnikaŭ, jana stała adnoj z samych pradavanych u historyi. Kniha atrymała vielizarnuju papularnaść u anhłamoŭnym śviecie, zavajavała šmat uznaharod i była pierakładzienaja bolš čym na 50 moŭ, jana pastajanna fihuruje ŭ śpisach najlepšych dziciačych knih abo najlepšych knih na anhlijskaj movie.
U biełaruskim pierakładzie kniha vyjšła ŭ 2019 hodzie, praz 50 hod paśla pieršaha vydańnia aryhinału.
Dla daškolnaha vieku. Pierakład z anhlijskaj movy Taćciany Žaŭniarovič.
Andrej Fiedarenka. Siečka
Hetyja litaraturnyja ese Andrej Fiedarenka pisaŭ na praciahu 10 hadoŭ. Voś jak abaznačyła ich litaraturaznaŭca M. Viercichoŭskaja: «Strukturna «Siečka» Andreja Fiedarenki ŭjaŭlaje saboju mazaiku ź pierłaŭ. Heta sapraŭdnaja źjava i padzieja ŭ najnoŭšaj litaratury. Kab stvaryć takuju, treba dobra ŭjaŭlać ahulnuju zadumu karciny — vyrazna pakazać čałavieka i jaho spravu. Fienomien «Siečki» Fiedarenki ŭ tym, što zamiešana jana na takoj drobiazi, jak mastackaść…»
Elžbieta Inieŭska, Ihar Mielnikaŭ. Doŭbarčyki z Babrujskaj krepaści
Historyja «doŭbarčykaŭ» — heta taksama historyja Babrujska, u jakuju ŭpisalisia takija imiony, jak Uładzisłaŭ Anders, Jan Skaryna abo budučy hieroj abarony Bresckaj krepaści — Kanstancin Plisoŭski.
Chronika hetaj vajskovaj adzinki niezvyčajnaja, bo sałdaty hienierała Doŭbara paźniej zaniali hanarovyja miescy ŭ historyi mnohich voinskich čaściej, jakija zmahalisia z nacystami na frantach Druhoj suśvietnaj.
Usie knihi vydaviectva «Halijafy» možna nabyć u kramie (vuł. Niamiha, 3, cokalny pavierch, boks 47) albo praź internet-kramu. Ažyćciaŭlajecca paštovaja pierasyłka.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary