Ladzienski manastyr, u jaki na Vialikdzień jeździŭ Łukašenka, začynieny dla naviedvańniaŭ. Miedyki kažuć, što tam karanavirus

Mužčynski manastyr u vioscy Małyja Lady Smalavickaha rajona, na terytoryi jakoha znachodzicca Śviata-Błahavieščanski Ladzienski chram, kudy na Vialikdzień pryjazdžaŭ Alaksandr Łukašenka z synam Mikałajem, začynieny dla naviedvańnia. Miedyki z Smalavickaj centralnaj rajonnaj balnicy kažuć, što tam jość vypadki zaražeńnia karanavirusam. Adnak u Barysaŭskaj jeparchii, da jakoj adnosicca manastyr, karanavirus nie paćviardžajuć, piša Tut.by.

Pra toje, što dva čałavieki ŭ Ladzienskim manastyry zarazilisia karanavirusam, a ich kantakty pieršaha ŭzroŭniu — 55 čałaviek — znachodziacca na izalacyi, Tut.by paviedamiŭ čytač, jaki pracuje ŭ sistemie achovy zdaroŭja Smalavickaha rajona.

— Ich adpravili ŭ miascovuju ambułatoryju, a kantakty ŭ manastyry, — raspavioŭ surazmoŭca.

U Dračkaŭskaj uračebnaj ambułatoryi kamientavać infarmacyju admovilisia i paprasili bolš im nie telefanavać, a źviartacca ŭ Centralnuju rajonnuju balnicu.

Adzin ź miedykaŭ Smalavickaj centralnaj rajonnaj balnicy, jaki pažadaŭ zastacca ananimnym, paćvierdziŭ, što ŭ manastyry jość aficyjna zarehistravanyja vypadki karanavirusa. Pavodle jaho słoŭ, 54 žychary Ladzienskaha manastyra — manachi, pasłušniki i inšyja — źjaŭlajucca kantaktami pieršaha ŭzroŭniu i znachodziacca na samaizalacyi.

— Dakładniej, pavinny byli b znachodzicca. Jany absalutna nie vykonvajuć praviły samaizalacyi, jaduć u ahulnych stałovych, kantaktujuć adzin z adnym. Pavodle maich danych, siarod žycharoŭ hetaha manastyra šmat chto zachvareŭ, — 16 čałaviek na dadzieny momant, — raspaviadaje miedyk. — Niekatoryja špitalizavany ŭ nas, niekatoryja ŭ Minsku, niekatoryja ŭ manastyry zastalisia.

Jak kaža miedrabotnik, pieršy stanoŭčy test na karanavirus, uziaty ŭ žycharoŭ manastyra, u balnicu pryjšoŭ 22 krasavika.

U samim manastyry raskazać, što ž tam adbyvajecca i jakaja epidemičnaja situacyja, admovilisia. Taksama tam adznačyli, što ŭ ich niama takoj kolkaści nasielnikaŭ (heta pasłušnik abo manach, jaki pastajanna pražyvaje ŭ manastyry, člen manastyrskaj bracii), jak kažuć miedyki. Pavodle infarmacyi na sajcie Barysaŭskaj jeparchii, tam pastajanna žyvuć kala 20 čałaviek.

— Infarmacyi my nijakaj nie dajom, — skazali ŭ manastyry.

Tam taksama dadali, što «ŭ carkvie nichto nie zaražajecca».

U Barysaŭskaj jeparchii nie paćvierdzili, što ŭ manastyry jość tyja, chto zaraziŭsia.

— Pa karanavirusie paćvierdžańniaŭ niama. Ale manastyr začynieny dla naviedvańniaŭ u suviazi sa składanaj epidemijałahičnaj situacyjaj. Unutrany rasparadak u manastyry zastaŭsia raniejšym, ale dla naviedvalnikaŭ začynieny, — raspavioŭ TUT.BY pres-sakratar Barysaŭskaj jeparchii ijerej Ihar Vaśko.

Nahadajem, Alaksandr Łukašenka na Vialikdzień zapaliŭ śviečku ŭ Śviata-Błahavieščanskim Ladzienskim chramie, jaki znachodzicca na terytoryi manastyra. U carkvu jon pryjazdžaŭ razam sa svaim małodšym synam Mikałajem. Kiraŭnik koratka parazmaŭlaŭ i pavinšavaŭ viernikaŭ sa śviatam.

• 0
• 0
• 0
• 0
• 0
• 0
• 0
• 0