Pierahladu cany pastavak hazu ŭ Biełaruś na 2020 hod nie praduhledžvajecca, zajaviŭ u intervju «Interfaksu» ministr enierhietyki Rasii Alaksandr Novak.
Raniej Alaksandr Łukašenka zajaviŭ, što cana na haz pavinna być bolš adaptyŭnaj pry biahučaj rezkaj źmienie ekanamičnaj kanjunktury. «Vidavočna, što pry takoj rezkaj źmienie ekanamičnaj kanjunktury cana pavinna być bolš adaptyŭnaj, a miechanizm raźlikaŭ — padjomnym dla spažyŭcoŭ», — kazaŭ Łukašenka ŭ časie rabočaj anłajn-sustrečy členaŭ Vyšejšaha Jeŭrazijskaha ekanamičnaha savieta.
U svaju čarhu Novak zajaviŭ: «My zychodzim z taho, što ŭ pačatku hoda dasiahnuty damoŭlenaści pa canie na haz dla biełaruskich spažyŭcoŭ da kanca 2020 hoda».
«I hetaja cana zafiksavana ŭ adpaviednym pratakole pamiž uradam respubliki Biełaruś i «Hazpromam», i ŭ kantraktach pamiž haspadarčymi subjektami, tam taksama pierahladu nijakaha nie praduhledžvajecca. Našy kampanii ŭzajemadziejničajuć u adpaviednaści z padpisanymi dakumientami — cana $127 za tysiaču kubamietraŭ», — dadaŭ jon.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary