Zatrymany pretendent Niapomniaščych: Milicyjanieram treba navučycca pasyłać tych, chto prydumlaje takuju chreń
Patencyjny kandydat u prezidenty z Homiela Uładzimir Niapomniaščych 5 červienia byŭ zatrymany supracoŭnikami milicyi. «NN» parazmaŭlaŭła z kandydatam pratestu, kali jon znachodziŭsia ŭ Centralnym rajadździele milicyi Homiela.
«Zabrali mianie za zbor podpisaŭ 31 maja kala ŭniviermaha «Homiel». Abvinavačvajuć, što ja nibyta pravodziŭ mitynh, što ŭ mianie była hukaŭzmacnialnaja ŭstanoŭka. Pahladzieli videa, ale ničoha tam nie pabačyli. Ci ŭčastkovy pamyliŭsia, ci jamu tak padnieśli.
Učastkovy abiacaje adpuścić siońnia. Skazaŭ heta, kali ŭžo pahladzieŭ videa. Jak ja zrazumieŭ, jamu vielmi ŭsio spadabałasia i jon zhodny z usim, što ja kazaŭ [śmiajecca].
Zaraz učastkovy kudyści pajšoŭ. Moža być, pajšoŭ skazać Štrapavu [načalnik Centralnaha RAUS Homiela — «NN»]: «Pajšoŭ ty nachran, zabiraj svajho Niapomniaščych, sam ź im raźbirajsia».
Heta ž nie sam učastkovy Hramadcoŭ prydumaŭ takuju chreń. Nie sami ž chłopcy ŭsio prydumlajuć, tolki ichniaja biada, što jany nie mohuć skazać: «Idzicie vy nachran, jon ničoha nie ździajśniaŭ». Vučyć ich treba. Možna ž skazać: «Mianie nie tak vychoŭvali, ja nie mahu padlanku rabić».
Hety ŭčastkovy nie pieršy pratakoł na mianie składaje. Ja jamu skazaŭ, što ničoha padpisvać nie budu, pakazańni davać taksama nie budu. Usio na videa jość, ja prosta adkazvaŭ na pytańni ludziej, ja ž nie moh da ludziej zadnicaj paviarnucca», — rastłumačyŭ Niapomniaščych.
Uładzimir Niapomniaščych sam u minułym milicyjanier. Ciapier jon aktyvist AHP, a taksama prychilnik Mikałaja Statkieviča.
Kamientary