9 krasavika ŭ Homielskim abłasnym sudzie, dzie razhladajecca kryminalnaja sprava ab zabojstvie žychara vioski Puchavičy Žytkavickaha rajona Mikałaja Makareviča, svajaki zabitaha padali isk ab kampiensacyi maralnaha ŭronu ŭ pamiery 20 młn. rubloŭ.
Sud pryniaŭ iskavuju zajavu, abvinavačvanyja isk pryznali. Na sudovym pasiadžeńni płanujecca prahledzieć videamateryjały spravy, na jakich adlustravany śledčy ekśpierymient z udziełam padazronych. Taksama na sudzie buduć ahledžany rečavyja dokazy, u pryvatnaści, srodki zabojstva — dźvie siakiery.
Słuchańnie spravy pačałosia 7 krasavika.
U zabojstvie abvinavačvajucca adnaviaskoŭcy zahinułaha — try mužčyny i maładaja žančyna.8 krasavika na pasiadžeńni byli apytanyja śviedki — prykładna 20 žycharoŭ Puchavičaŭ i supracoŭniki milicyi. Adnaviaskoŭcy nie pradastavili sudu nijakich praŭdzivych źviestak ab tym, što M.Makarevič spalvaŭ pabudovy, trymaŭ viosku ŭ strachu. U sudzie vyśvietliłasia, što takich jaho pahroz asabista nichto nie čuŭ. Z pakazańniaŭ žycharoŭ vioski i supracoŭnikaŭ milicyi vyśvietliłasia, što Makarevič vinavaty ŭ dvuch pažarach, za jakija jon raniej užo adsiedzieŭ u turmie. Padazravaŭsia jon u padpale, učynienym napiaredadni svajoj hibieli, ale mahčymaści dakazać jaho vinu ŭ milicyi ŭžo niama. Pry zatrymańni Makarevič pryznaŭsia, što spaliŭ chleŭ svajoj susiedki, tamu što taja nibyta zabiła svajho muža, jaho siabra. Svajaki M.Makareviča zaznačajuć, što nie padpały, a mienavita hetyja abvinavačańni ŭ adras žančyny mahli stać matyvam raspravy.
Maci adnaho z abvinavačvanych zajaviła na sudzie, što nie ličyć svajho syna vinavatym.
My b sami, kali b sustreli Mijesa (viaskovaja mianuška zabitaha. — BiełaPAN.), zaparoli b jaho viłami», — skazała žančyna.Pry hetym svajaki abvinavačvanaha nie paćvierdzili na sudzie, što ich majomaść spaliŭ mienavita Makarevič.
Učastkovy Vasil Miranovič pakazaŭ u sudzie, što skarhaŭ jamu na M.Makareviča nie pastupała.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary