9 красавіка ў Гомельскім абласным судзе, дзе разглядаецца крымінальная справа аб забойстве жыхара вёскі Пухавічы Жыткавіцкага раёна Мікалая Макарэвіча, сваякі забітага падалі іск аб кампенсацыі маральнага ўрону ў памеры 20 млн. рублёў.
Суд прыняў іскавую заяву, абвінавачваныя іск прызналі. На судовым пасяджэнні плануецца прагледзець відэаматэрыялы справы, на якіх адлюстраваны следчы эксперымент з удзелам падазроных. Таксама на судзе будуць агледжаны рэчавыя доказы, у прыватнасці, сродкі забойства — дзве сякеры.
Слуханне справы пачалося 7 красавіка.
У забойстве абвінавачваюцца аднавяскоўцы загінулага — тры мужчыны і маладая жанчына.8 красавіка на пасяджэнні былі апытаныя сведкі — прыкладна 20 жыхароў Пухавічаў і супрацоўнікі міліцыі. Аднавяскоўцы не прадаставілі суду ніякіх праўдзівых звестак аб тым, што М.Макарэвіч спальваў пабудовы, трымаў вёску ў страху. У судзе высветлілася, што такіх яго пагроз асабіста ніхто не чуў. З паказанняў жыхароў вёскі і супрацоўнікаў міліцыі высветлілася, што Макарэвіч вінаваты ў двух пажарах, за якія ён раней ужо адседзеў у турме. Падазраваўся ён у падпале, учыненым напярэдадні сваёй гібелі, але магчымасці даказаць яго віну ў міліцыі ўжо няма. Пры затрыманні Макарэвіч прызнаўся, што спаліў хлеў сваёй суседкі, таму што тая нібыта забіла свайго мужа, яго сябра. Сваякі М.Макарэвіча зазначаюць, што не падпалы, а менавіта гэтыя абвінавачанні ў адрас жанчыны маглі стаць матывам расправы.
Маці аднаго з абвінавачваных заявіла на судзе, што не лічыць свайго сына вінаватым.
Мы б самі, калі б сустрэлі Міеса (вясковая мянушка забітага. — БелаПАН.), запаролі б яго віламі», — сказала жанчына.Пры гэтым сваякі абвінавачванага не пацвердзілі на судзе, што іх маёмасць спаліў менавіта Макарэвіч.
Участковы Васіль Мірановіч паказаў у судзе, што скаргаў яму на М.Макарэвіча не паступала.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары