Navukoviec: Novaja piekinskaja forma karanavirusa moža być bolš zaraznaja za raniejšuju
Karanavirusnaja infiekcyja, vyjaŭlenaja ŭ supracoŭnikaŭ aptovaha rynku ŭ Piekinie, vierahodna, źjaŭlajecca bolš zaraznaj formaj virusa za tuju, što była vyjaŭlena na rynku va Uchani. Pra heta ŭ paniadziełak haziecie Global Times paviedamiŭ virusołah Uchańskaha ŭniviersiteta Jan Čžańciu, piša tass.ru.
Navukoviec padkreśliŭ, što ŭ Piekinie kolkaść infikavanych vyrasła za čatyry dni da takoha ŭzroŭniu, jak va Uchani raniej za dva tydni. Jon taksama adznačyŭ, što zafiksavany ŭ apošnija dni ŭ Piekinie karanavirus padobny na formu, što cyrkuluje ŭ Jeŭropie. I chutčej za ŭsio byŭ zaviezieny ŭ Kitaj z adnoj ź jeŭrapiejskich krain.
«Niesumnienna, roznyja hienatypy virusa mohuć zrabić vakcynu mienš efiektyŭnaj i navat zusim nieefiektyŭnaj. Heta značyć, što vakcyna pavinna być efiektyŭnaj suprać virusaŭ, jakija cyrkulujuć jak u Kitai, tak i ŭ Jeŭropie, što stvaraje dadatkovyja ciažkaści pry raspracoŭcy vakcyny», — skazaŭ virusołah.
U pačatku červienia ŭ adździele morapraduktaŭ najbujniejšaha Piekinskaha aptovaha rynku «Sińfadzi» ŭ rajonie Fentaj na poŭdni horada była vyjaŭlena ŭspyška karanavirusnaj infiekcyi. Bolšaść infikavanych — rabotniki handlovych kropak i ich svajaki.
Va ŭsich 7120 žyłych mikrarajonach kitajskaj stalicy ŭviali «režym vajennaha času».
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary