Advakaty Babaryki čatyry dni nie mohuć ź im sustrecca. Kab prynamsi asabista pierakanacca, što ź im usio narmalna
Advakaty pretendenta na pasadu prezidenta Biełarusi Viktara Babaryki, što znachodzicca ŭ SIZA KDB, nie majuć mahčymaści sustrecca z padabaronnym z suboty 20 červienia, paviedamiŭ «Interfaksu-Zachad» adzin z abaroncaŭ Dźmitryj Łajeŭski.
«Pa stanie na hety momant u mianie niama paćvierdžańnia, što sustreča z maim padabaronnym (Viktaram Babarykam) moža adbycca. Nijakich kantaktaŭ u jaho advakataŭ nie było z suboty, 20 červienia, kali ŭ majoj prysutnaści rabilisia pracesualnyja dziejańni ŭ SIZA KDB», — skazaŭ Łajeŭski.
Jon taksama kanstatavaŭ, što ŭ jaho niama naohuł nijakaj infarmacyi pra stan Babaryki. «U advakataŭ naohuł niama nijakaj infarmacyi pra svajho padabaronnaha. U internecie źjaŭlajucca naściarožvajučyja ŭkidy…, hulaje ŭsiakaja infarmacyja… Ja b asabista chacieŭ pierakanacca, što hetyja ŭkidy nie źjaŭlajucca praŭdaj. Ja ŭ hetym praktyčna ŭpeŭnieny, ale, jak advakat, pierakanacca pavinien», — padkreśliŭ Łajeŭski.
Jon taksama kanstatavaŭ, što abarona Babaryki da hetaha času nie atrymała adkazu ni na adnu z šerahu raniej nakiravanych u zacikaŭlenyja viedamstvy skarhaŭ.
Akramia taho, advakat adznačyŭ, što admovy ŭ sustrečy z padabaronnym «pastupajuć u vusnaj formie» pad padstavaj supraćepidemičnych mierapryjemstvaŭ. Pry hetym, pavodle jaho słoŭ, abarona zatrymanaha Babaryka «hatova zabiaśpiečyć usie nieabchodnyja srodki zaściarohi — vykarystoŭvać miedycynskija maski, palčatki, antysieptyki i hetak dalej. Ale sustreča z padabaronnym nieabchodnaja, kab vykonvać patrabavańni zakona».
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj20
Kamientary