Śviatłana Cichanoŭskaja: Usie chočuć pieramien i ŭsie bajacca. Adzin Siarhiej pavinien byŭ heta rabić?
Maskoŭski rajonny sud Minska 9 lipienia razhladaŭ skarhu palitviaźnia, błohiera «Krainy dla žyćcia» Siarhieja Cichanoŭskaha na źmiaščeńnie jaho ŭ karcar. Čym siłaviki tłumačać hetyja rašeńni?
«Pieršy raz Siarhieja źmiaścili ŭ karcar za toje, što jon siadzieŭ na padvakońni. Druhi raz — znajšli pavucińnie paśla pryborki. Supracoŭniki SIZA kažuć, što ŭsio adpaviadaje narmatyvam, tamu zakonna», — skazała Śviatłana Cichanoŭskaha, žonka palitviaźnia, a taksama imavierny kandydat u prezidenty.
Na pasiedžańni zmahli prysutničać tolki Śviatłana Cichanoŭskaja i advakaty palitviaźnia. Niečakana razhlad administracyjnaj spravy zrabili zakrytym. Čamu? «Bo ahałošvajucca asabistyja dadzienyja źniavolenaha», — patłumačyła žurnalistam jahonaja žonka.
«Ja spadziajusia na najaŭnaść prystojnych sudździaŭ u našaj sudovaj sistemie. Ale na kaho ciapier možna spadziavacca? Na sudy? Naŭrad ci. Na ludziej tolki», — skazała Śviatłana.
Zrešty, jana kaža, što vialikaj padtrymki z boku ludziej na hetym etapie nie adčuvaje. «Kali hetak lohka možna napałochać ludziej, tady navošta heta ŭsio? Navošta było davać nadzieju Cichanoŭskamu i potym tak rezka ad usiaho admovicca? Ludzi što, pieramienaŭ bajacca? Usie chočuć i ŭsie bajacca? Dyk što, adzin Cichanoŭski pavinien byŭ heta rabić? Dyk jon zaraz siadzić. Što, hamon krainie?» — emacyjna pramoviła Śviatłana.
Jana kaža, što ŭ Siarhieja jašče šmat skarhaŭ na ŭmovy ŭtrymańnia, ale ahučvać ich jana pakul nie maje prava.
Sud nie zadavoliŭ skarhu Cichanoŭskaha pra źmiaščeńnie ŭ karcar
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary