Nieviadomyja stvaryli fejkavy kłon telehram-kanała Cichanoŭskaj
Telehram-kanał abjadnanaha štaba Śviatłany Cichanoŭskaj usiaho za try dni nabraŭ 27 tysiač padpisčykaŭ.
Siońnia my zaŭvažyli, što ŭ telehramie źjaviŭsia kłon kanała Śviatłany Cichanoŭskaj. Jon maje rychtyk tuju ž nazvu, a adras adroźnivajecca tolki słovam official (adras sapraŭdnaha — pulpervoi). Kłon dubluje kantent sapraŭdnaha z zatrymkaj na 5—15 chvilin, a taksama dadaje niekatoryja inšyja foty i videa. Pa stanie na 19:00 u jaho było 392 padpisčyki, na 70 bolš, čym uranku siońnia. «Naša Niva» zapytałasia ŭ abjadnanaha štaba Śviatłany Cichanoŭskaj, našto im dva kanały.
«Kanał Śviatłany tolki toj, dzie 27k padpisčykaŭ», — adkazaŭ nam praz telehram pradstaŭnik pres-słužby apazicyjnaj kandydatki.
Sapraŭdny kanał Cichanoŭskaj nazvali «Puł Pieršaj» — tak padšpilili «Puł Pieršaha», telehram-kanał, stvorany pres-słužbaj prezidenta. Kanał Cichanoŭskaj voś-voś pierahonić prezidencki pa kolkaści padpisčykaŭ, što adlustroŭvaje vialikuju cikavaść da jaje kampanii.
Pry hetym «Puł Pieršaha» — samy papularny z łukašenkaŭskich telehram-kanałaŭ.
Nam pakul nie ŭdałosia vyśvietlić, chto staić za fejkavym kanałam.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary