Тэлеграм-канал аб'яднанага штаба Святланы Ціханоўскай усяго за тры дні набраў 27 тысяч падпісчыкаў.
Сёння мы заўважылі, што ў тэлеграме з'явіўся клон канала Святланы Ціханоўскай. Ён мае рыхтык тую ж назву, а адрас адрозніваецца толькі словам official (адрас сапраўднага — pulpervoi). Клон дублюе кантэнт сапраўднага з затрымкай на 5—15 хвілін, а таксама дадае некаторыя іншыя фоты і відэа. Па стане на 19:00 у яго было 392 падпісчыкі, на 70 больш, чым уранку сёння. «Наша Ніва» запыталася ў аб'яднанага штаба Святланы Ціханоўскай, нашто ім два каналы.
«Канал Святланы толькі той, дзе 27k падпісчыкаў», — адказаў нам праз тэлеграм прадстаўнік прэс-службы апазіцыйнай кандыдаткі.
Сапраўдны канал Ціханоўскай назвалі «Пул Першай» — так падшпілілі «Пул Першага», тэлеграм-канал, створаны прэс-службай прэзідэнта. Канал Ціханоўскай вось-вось перагоніць прэзідэнцкі па колькасці падпісчыкаў, што адлюстроўвае вялікую цікавасць да яе кампаніі.
Пры гэтым «Пул Першага» — самы папулярны з лукашэнкаўскіх тэлеграм-каналаў.
Нам пакуль не ўдалося высветліць, хто стаіць за фэйкавым каналам.
Улады Гродна паведамілі пра выхад з ладу ліўнёўкі пад ударам стыхіі1
Каментары