Sojm Partyi BNF uhanaravaŭ pamiatnym znakam imia Viktara Ivaškieviča Paŭła Sieviarynca, jaki ciapier znachodzicca ŭ źniavoleńni. Hetym znakam Partyja BNF tradycyjna adznačaje arhanizataraŭ najbolš značnych i hučnych vuličnych akcyjaŭ, paviedamlaje «Radyjo Svaboda».
Pavał Sieviaryniec atrymlivaje jaho «na znak pryznańnia jahonaj vyznačalnaj roli jak arhanizatara i natchnialnika seryi masavych akcyjaŭ pratestu, što adbylisia ŭ Biełarusi ŭ kancy 2019 hodu i byli skiravanyja suprać pahrozaŭ «pahłyblenaj intehracyi» i straty biełaruskaha dziaržaŭnaha suverenitetu», — havorycca ŭ zajavie Sojmu.
Znak byŭ zasnavany Biełaruskim Narodnym Frontam u pamiać pra vydatnaha palityka-frontaŭca Viktara Ivaškieviča, arhanizatara šmatlikich demanstracyjaŭ dy šeściaŭ, jaki pajšoŭ z žyćcia ŭ 2013-m, kali jamu było 54 hady. Sioleta ŭznaharoda ŭručajecca siomy raz.
Znak imia Viktara Ivaškieviča ŭručaŭsia raniej namieśniku staršyni Partyi BNF Vadzimu Sarančukovu, lideru hramadzkaj arhanizacyi «Alternatyva» Alehu Korbanu, kinarežysercy i hramadzkaj aktyvistcy Volzie Mikałajčyk, lideru «Maładoha Frontu» Źmitru Daškieviču, veteranu nacyjanalna-adradženskaha ruchu Ninie Bahinskaj, siabru BNF i ŭładalniku kramy Symbal.by Paŭłu Biełavusu.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary