Dyrektar Parka vysokich technałohij Usievaład Jančeŭski ŭ intervju telekanału ANT adznačyŭ, što prasiŭ Łukašenku «pieraharnuć staronku», kali Capkała moh stać fihurantam kryminalnaj spravy.
Jančeŭski prakamientavaŭ słovy viadučaha ab tym, što Capkała ŭ svoj čas «stajaŭ na parozie turemnaj kamiery».
«Heta praŭda, ale tam, darečy, havorka išła nie tolki pra Capkału. Heta była vielmi bujnaja sprava adnoj ź firmaŭ. Tam byli vielmi surjoznyja padatkovyja parušeńni, jakija, darečy, jany potym sami pryznali i kampiensavali. Byli tady materyjały i pa Capkału. Ja tady niepasredna prasiŭ kiraŭnika dziaržavy ad imia IT-supolnaści, vobrazna kažučy, «pieraharnuć staronku». Ja sam prasiŭ prosta dla taho, kab niejkaje druhoje dychańnie atrymała hetaja halina. Dla taho, kab inviestary hladzieli i bačyli, što tut usio spakojna, stabilna, što tut vielmi dobraje staŭleńnie, kab chłopcy novyja ničoha nie bajalisia i nie apasalisia. I prezident heta padtrymaŭ. Prezident zaŭsiody vielmi ŭvažliva hladzieŭ na toje, što PVT daść nie tolki ajcišnikam, ale ŭsioj krainie», — zaŭvažyŭ Usievaład Jančeŭski.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary