Supracoŭnika centralnaha aparata, načalnika historyka-archiŭnaha adździaleńnia MZS Viačasłava Kazačonka, jaki vyjšaŭ tydzień tamu na pikiet, zvolnili sa źniešniepalityčnaha viedamstva. Pra heta Viačasłaŭ Kazačonak raspavioŭ Tut.by.
Zvolnili Viačasłava Kazačonka pa artykule 42 Pracoŭnaha kodeksa «ŭ suviazi z hrubym parušeńniem svaich pracoŭnych abaviazkaŭ».
Jak stała viadoma TUT.BY ad svaich krynic, namieśnik načalnika ŭpraŭleńnia Jeŭrazijskaj intehracyi Alena Kopanieva, jakaja vyjšła padtrymać Kazačonka na pikiecie, taksama bolš nie pracuje ŭ MZS.
Viačasłaŭ Kazačonak 17 žniŭnia vyjšaŭ na adzinočny pikiet na prystupki budynka MZS. Da jaho dałučyłasia namieśnik načalnika ŭpraŭleńnia Jeŭrazijskaj intehracyi Alena Kopanieva.
Ab svaim namiery vyjści na pikiet Viačasłaŭ papiaredziŭ kalehaŭ u MZS, i za hadzinu da pikietu kiraŭnik ministerstva Uładzimir Makiej sabraŭ supracoŭnikaŭ na razmovu. Makiej nahadaŭ, što supracoŭniki MZS davali prysiahu dziaržavie, i, pa słovach Kazačonka, namiaknuŭ na toje, što kali chtości nie zhodny z palitykaj dziaržavy, jon pavinien napisać zajavu.
Kamientary