Paśla taho jak jon pryvioŭ «Inter Majami» da histaryčnaj pieramohi ŭ finale Kubka Amierykanskaj futbolnaj lihi, Mesi nakiroŭvajecca ŭ Indyju dla trochdzionnaha «GOAT Tour», piša Bi-bi-si.
U kampanii z adnakłubnikami pa «Inter Majami» Łuisam Suaresam i Radryha de Paŭlem vaśmirazovy pieramožca «Załatoha miača» prezientuje statuju siabie ŭ Kalkucie ŭ subotu.
Jana była stvorana na praciahu 27 dzion kamandaj z 45 čałaviek i dasiahaje vieličyni 70 futaŭ.
Tur pačniecca ŭ Kalkucie ŭ 10:30 pa miascovym časie (07:00 pa Minsku) u subotu, paśla čaho praciahniecca ŭ Chajdarabadzie, Mumbai i Deli. Statuja — tolki adna častka indyjskaha ŭšanavańnia byłoha forvarda «Barsiełony» i «Pary Sen-Žermien».
Fanaty zmohuć naviedać fan-zonu «Hola Messi», dzie budzie kopija Miesi na tronie, zała, upryhožanaja niekatorymi jaho trafiejami, a taksama rekanstrukcyja jaho doma ŭ Majami z maniekienami hulca i jaho siamji, jakija siadziać na bałkonie.
«Jon (Lijanel Miesi) budzie ździŭleny, kali pabačyć, što dla jaho padrychtavali, — skazaŭ fanat Mesi Šyładzityja Banerdžy. — Jon budzie ŭ šoku, ubačyŭšy, jak jaho šanujuć u Kalkucie i pa ŭsioj Indyi. U mianie ślozy na vačach, ale heta ščaślivyja ślozy».
Miesi, jaki zabiŭ 787 hałoŭ u 963 matčach na kłubnym uzroŭni, byŭ ušanavany bronzavaj statujaj u Buenas-Ajresie, Arhiencina, u 2016 hodzie.
Prezident «Barsiełony» Žuan Łaporta niadaŭna zajaviŭ, što jany «pracujuć» nad statujaj na «Nou Kamp».
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary