Vynieśli prysud aršancu, z-za dziejańniaŭ jakoha syšoŭ z rejek ciahnik
U žniŭni hetaha hoda, budučy pjanym, mužčyna išoŭ uzdoŭž čyhunačnych puciej i raptam vyrašyŭ pieravieści try ručnyja strełačnyja pieravody ŭ niejtralnaje stanovišča. Takoje dziejańnie mahło pryvieści da schodu ciahnika z rejek — što ŭ vyniku i zdaryłasia, paviedamlaje Hienieralnaja prakuratura.
Z rejek syšli ciepłavoz i pieršy vahon, byli paškodžanyja ich miechanizmy, a taksama strełačnyja pieravody i čyhunačnaje pałatno.
Kali 39‑hadovaha žychara Oršy zatrymali, jon patłumačyŭ, što chacieŭ prosta pahladzieć, jak mašynisty adreahujuć na niestandartnuju situacyju. Pry hetym sam jon raniej pracavaŭ ślesaram u depo.
Taki «žart» abyšoŭsia jamu ŭ 18 tysiač rubloŭ — hetuju sumu daviadziecca kampiensavać. Akramia taho, byłomu ślesaru pryznačyli 2 hady i 7 miesiacaŭ «chimii» i prymusovaje lačeńnie ad ałkahalizmu.
Kamientary