Apublikavali novyja fota z archiva Džefry Epštejna. Na ich jość i Tramp
Pradstaŭniki Demakratyčnaj partyi ZŠA z Kamiteta pa nahladzie Pałaty pradstaŭnikoŭ apublikavali novuju partyju fotazdymkaŭ z archivaŭ skandalnaha biznesmiena Džefry Epštejna. Na hetych zdymkach jon bačny ŭ kampanii viadomych amierykancaŭ, u tym liku ciapierašniaha prezidenta Donalda Trampa, byłoha daradcy Trampa Styva Bienana, byłoha prezidenta-demakrata Biła Klintana, pradprymalnika Biła Hiejtsa i režysiora Vudzi Alena.
Člen Kamiteta pa nahladzie Pałaty pradstaŭnikoŭ ad Demakratyčnaj partyi Robiert Harsija zajaviŭ, što hetyja fota vyklikajuć jašče bolš pytańniaŭ adnosna Epštejna i jaho suviazi z upłyvovymi asobami, što pryjšoŭ čas spynić chavańnie praŭdy Biełym domam i damahčysia spraviadlivaści dla achviar Epštejna.
Siarod apublikavanych kadraŭ jość zdymki miski z preziervatyvami, na jakich namalavany karykaturny tvar Trampa z nadpisam «Ja VIALIZNY!». Na inšym zdymku Tramp staić z šaściu žančynami ŭ hirlandach z kvietak, čyje tvary byli zacenzuravanyja Kamitetam pa nahladzie.
Raniej demakraty taksama apublikavali listy Epštejna, u jakich jon śćviardžaŭ, što Tramp pravioŭ niekalki hadzin z adnoj ź viadomych abvinavaŭcaŭ Epštejna, Virdžynijaj Džufre. Paśla publikacyi hetych listoŭ Tramp i Bieły dom nazvali heta «mistyfikacyjaj».
Finansista Džefry Epštejna abvinavačvali ŭ handli ludźmi z metaj ich seksualizavanaj ekspłuatacyi. Pavodle viersii śledstva, biznesmien atrymlivaŭ seksualnyja pasłuhi ad niepaŭnaletnich dziaŭčat i «pazyčaŭ» ich upłyvovym ludziam.
U 2008 hodzie jon pryznaŭ vinu pa spravie ab padbuchtorvańni da prastytucyi, u tym liku ŭ dačynieńni da niepaŭnaletnich, i byŭ asudžany da 18 miesiacaŭ źniavoleńnia, jakija adsiedzieŭ nie całkam. U 2011 hodzie Epštejn vyjšaŭ na volu, adbyŭšy 13 miesiacaŭ u turmie.
7 lipienia 2019 hodzie jaho znoŭ aryštavali, a praź miesiac, 10 žniŭnia, biznesmien ździejśniŭ samahubstva ŭ turemnaj kamiery ŭ Ńju-Jorku. Jamu pahražała da 45 hadoŭ źniavoleńnia, i suprać finansista hatovyja byli śviedčyć dziasiatki śviedkaŭ i paciarpiełych.
Donald Tramp i Džefry Epštejn siabravali na praciahu mnohich hadoŭ, ale ŭ siaredzinie 2000-ch, jak kazaŭ Tramp, pasvarylisia.
Raniej siabroŭstva z Epštejnam i ŭdzieł u jaho seks-viečarynkach kaštavali tytuła prynca bratu karala Vialikabrytanii Karła III Endru.
Tramp padpisaŭ zakon ab publikacyi «fajłaŭ Epštejna»
Pałata pradstaŭnikoŭ ZŠA prahałasavała za raskryćcio «fajłaŭ Epštejna». Sienat pryniaŭ hetuju pastanovu biez abmierkavańnia
Tramp, Pucin, homaseksualnyja kantakty i inšyja brudnyja namioki — u ZŠA apublikavali 20 tysiač fajłaŭ Epštejna
Tramp zahadaŭ rasśledavać mahčymyja suviazi Epštejna z Klintanam i bankirami. Miniust ZŠA padparadkavaŭsia
U ZŠA apublikavali novyja listy pa spravie Džefry Epštejna, jakija dyskredytujuć Trampa
Ciapier čytajuć
U jakim miesiacy biełarusy pamirajuć čaściej za ŭsio?1
Kamientary
[Zredahavana]
" skazki braťjev Hrimm " . V častnosti
" Bkriehiś ryžych i łysych " ] . Sozdnietsia patovaja situacija . Liliputin nie sposobien obnnarodovať kompromat . Inačie on śniesiet nachr ryžieho i połučit vzamien biersierkiera snosiaŝieho rašu . A kłoun soznavaja situaciju trollit pyniu .
Pri takom raskładie Ukraina na vtorostiepiennych rolach . Poka nie narabotajet hłavnoje pojeimuŝiestvo . Kotoroho iznačalno u niejo niebyło .