Zatrymany biźniesmien Alaksandr Vasilevič. Jon vałodaje rekłamnym ahienctvam i halerejaj «Ŭ»
Zatrymany biznesmien Alaksandr Vasilevič, jaki vałodaje rekłamnym ahienctvam Vondel/Hepta, halerejaj sučasnaha mastactva» Ŭ», sajtami kyky.org i The Village Biełaruś. Pra heta paviedamiła jaho žonka Nadzieja Zielankova, piša Tut.by.
— Aficyjna Saša zatrymany. Ja doma, Saša nie doma. U mianie padpiska ab nierazhałošvańni, tamu telefanavać mnie biessensoŭna, ja ničoha nie mahu vam skazać. … Pa minułym dośviedzie aryštu: nie treba pytacca, jakija naviny ad Sašy, ja ich nie viedaju. Usim dziakuj i bieražycie siabie, — napisała Nadzieja ŭ siabie ŭ Facebook.
27 žniŭnia telehram-kanał «Kułuary KYKY» paviedamlaŭ, što ŭ ofis rekłamnaha ahienctva pryjšli supracoŭniki Departamienta finansavych rasśledavańniaŭ dziaržkantrolu.
— U vyniku častka ź ich źjechała z ofisa z Sašam Vasilevičam — dyrektaram hetaha ahienctva. My viedajem, što da Sašy ŭžo vyjechała jaho advakat. My budziem trymać vas u kursie, — pisali «Kułuary KYKY».
Jak daviedaŭsia TUT.BY, piaciora supracoŭnikaŭ DFR dziaržkantrolu taksama prychodzili ź pieratrusam u ofis dydžytał-ahienctva Red Graphic, jakim vałodaje Nadzieja Zielankova, žonka Alaksandra Vasileviča.
Taksama tielehram-kanał «Kułuary KYKY» paviedamiŭ ab tym, što supracoŭniki DFR pryjechali da Valanciny Kisialovaj, dyrektara halerei «Ŭ», jakoj častkova vałodaje Alaksandr Vasilevič. Akramia hetaha, dvoje supracoŭnikaŭ u cyvilnym prychodzili da cieščy Vasileviča «dla razmovy»
Supracoŭniki DFR taksama źviazvalisia z Sašaj Ramanavaj, dyrektaram vydańniaŭ Kyky.org i The Village Biełaruś.
Vasilevič jak hramadzianin aktyŭna padtrymlivaŭ prychilnikaŭ pieramien. Jaho zatrymlivali raniej, kali jon byŭ u liku ludziej, što chacieli paručycca za Viktara Babaryku ŭ KDB. Sajt The Village Biełaruś byŭ zabłakavany.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary