Sud spyniŭ spravu suprać naziralnika, jakoha vinavacili ŭ chulihanstvie
Mienski rajonny sud nie zadavoliŭ pazoŭ sakratarki ŭčastkovaj vybarčaj kamisii №53 ahraharadka Kałodziščy Iryny Papovaj da niezaležnaha naziralnika Kiryły Anoški, na jakoha byŭ składzieny pratakoł za chulihanstva (art.17.1), piša «Radyjo Svaboda».
Sakratarka kamisii, pavodle Kiryła Anoški, u sudzie «faktyčna źniapraŭdziła pratakoł svaimi pakazańniami».
Paśla vybaraŭ niezaležnyja naziralniki — i siarod ich Kirył — vyrašyli pacikavicca ŭ siabroŭ vybarčaj kamisii pra realnyja vyniki vybaraŭ, bo ŭ ich nie supadali źviestki pra jaŭku ź ličbami kamisii.
«My pryjaždžali ŭ sielsaviet i pytalisia, ci chočuć siabry kamisii niešta raspavieści. Muž adnoj z naziralnic dasłaŭ SMS-paviedamleńnie siabru kamisii, dzie pracytavaŭ kryminalny kodeks. Paśla hetaha ŭnačy jaho zatrymali. Jašče adna naziralnica pajechała padavać zajavu ŭ Baraŭlanskuju milicyju, i jaje tam zatrymali. Jana tam daviedałasia, što i na mianie składzieny pratakoł u milicyi».
Paźniej Kiryła vyklikali ŭ sud. Pavodle materyjałaŭ spravy, jon nibyta pryjaždžaŭ u sielsaviet na pracoŭnaje miesca siabra kamisii, pahražaŭ joj i parušaŭ hramadzki paradak. Nasamreč Kirył chacieŭ udakładnić ličby, bo nia byŭ vyviešany pratakoł.
«Iryna Papova vystupała siońnia ŭ sudzie i na 80% abvierhła toje, što było ŭ pratakole. Takim čynam atrymałasia, što chulihanstva niama. Potym jana paćvierdziła, što kanfliktaŭ pamiž nami nie było. U vyniku nie było da čaho pryčapicca — i sudździa vyrašyła spynić spravu».
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary