Суд спыніў справу супраць назіральніка, якога вінавацілі ў хуліганстве
Менскі раённы суд не задаволіў пазоў сакратаркі ўчастковай выбарчай камісіі №53 аграгарадка Калодзішчы Ірыны Паповай да незалежнага назіральніка Кірылы Аношкі, на якога быў складзены пратакол за хуліганства (арт.17.1), піша «Радыё Свабода».
Сакратарка камісіі, паводле Кірыла Аношкі, у судзе «фактычна зьняпраўдзіла пратакол сваімі паказаньнямі».
Пасьля выбараў незалежныя назіральнікі — і сярод іх Кірыл — вырашылі пацікавіцца ў сяброў выбарчай камісіі пра рэальныя вынікі выбараў, бо ў іх не супадалі звесткі пра яўку з лічбамі камісіі.
«Мы прыяжджалі ў сельсавет і пыталіся, ці хочуць сябры камісіі нешта распавесьці. Муж адной з назіральніц даслаў СМС-паведамленьне сябру камісіі, дзе працытаваў крымінальны кодэкс. Пасьля гэтага ўначы яго затрымалі. Яшчэ адна назіральніца паехала падаваць заяву ў Бараўлянскую міліцыю, і яе там затрымалі. Яна там даведалася, што і на мяне складзены пратакол у міліцыі».
Пазьней Кірыла выклікалі ў суд. Паводле матэрыялаў справы, ён нібыта прыяжджаў у сельсавет на працоўнае месца сябра камісіі, пагражаў ёй і парушаў грамадзкі парадак. Насамрэч Кірыл хацеў удакладніць лічбы, бо ня быў вывешаны пратакол.
«Ірына Папова выступала сёньня ў судзе і на 80% абвергла тое, што было ў пратаколе. Такім чынам атрымалася, што хуліганства няма. Потым яна пацьвердзіла, што канфліктаў паміж намі не было. У выніку не было да чаго прычапіцца — і судзьдзя вырашыла спыніць справу».
Што запісана афіцыйнай прычынай смерці адзінага сына Ярмошынай?4
Каментары