1-2 lipienia ŭ Homli adbyvaŭsia druhi etap spabornictvaŭ «Babroŭ-džyp-tryjał» na kubak Nacyjanalnaha alimpijskaha kamitetu Biełarusi, u jakim ŭdzielničała bolš za dvaccać ekipažaŭ. Adbyvałasia spabornictva na trasie «Švedzkaja horka». Ale Švedzkaja horka – heta nieaficyjnaja nazva archiealahičnaha pomniku, haradzišča VI-III stahodździa da našaj ery.
1-2 lipienia ŭ Homli adbyvaŭsia druhi etap spabornictvaŭ «Babroŭ-džyp-tryjał» na kubak Nacyjanalnaha alimpijskaha kamitetu Biełarusi, u jakim ŭdzielničała bolš za dvaccać ekipažaŭ. Adbyvałasia spabornictva na trasie «Švedzkaja horka». Ale Švedzkaja horka – heta nieaficyjnaja nazva archiealahičnaha pomniku, haradzišča VI-III stahodździa da našaj ery. Zhodna z navukovymi daśledavańniami, hetuju terytoryju nasialali plamiony rańniaha žaleznaha vieku.Jak paviedamiŭ homielski krajaznaŭca Jaŭhien Malikaŭ, hadoŭ dziesiać tamu na histaryčnym miescy ŭłady pastavili pomnik, jaki nahadvaŭ ab značnaści miesca, i paznačyli, što staražytnaje pasielišča achoŭvajecca dziaržavaj. Ale pakolki achoŭny znak byŭ zrobleny ź dziuralu, jaho skrali. Spadar Malikaŭ taksama raspavioŭ, što sama trasa dla honak nie zakranaje terytoryju staražytnaha pasielišča, ale niekatoryja honščyki, kab pakazać svajo majsterstva, časam parušajuć dazvolenyja miežy. Z hetaje pryčyny padčas Džyp-tryjału miascovyja krajaznaŭcy ažyćciaŭlali dabraachvotnaje dziažurstva na «Švedzkaj horcy», kab pieraduchilić mahčymyja paškodžańni ŭnikalnaha pomniku archiealohii.
Alaksiej Manievič, belngo.info
Kamientary