«Na hety momant my atrymali bolš 80 zapytaŭ. Daminujuć zapyty kampanij, jakija pracujuć u śfiery technałohij, ale jość i hulcy inšych siektaraŭ, — raspavioŭ Delfi hiendyrektar kampanii «Inviestuj u Litvie» Mantas Kacinas.
Pavodle jaho słoŭ, kampanii hatovyja pieravieści ŭ Litvu najvažniejšyja svaje adździaleńni, dośvied u śfiery IT, vysokakvalifikavanych rabotnikaŭ. «Heta nie tolki pavialičyła b kolkaść rabotnikaŭ śfiery IT u krainie, pašyryła b ekasistemu stvaralnikaŭ prahramnaha abstalavańnia, umacavała b industryju IT u Litvie, ale i pavialičyła b patencyjał u spravie kankurencyi z krainami — lidarami ŭ śviecie», — miarkuje Kacinas.
Pres-sakratar kampanii Infobalt Paŭlus Jakutavičus skazaŭ, što ŭ takich kampanij ahułam kala 1600 rabotnikaŭ. Heta ŭ asnoŭnym małyja i siarednija pradpryjemstvy. «Ad startapa da siaredniaj kampanii z 100 rabotnikaŭ, dla takich kampanij u nas jość prapanovy: ofisy, pražyvańnie, rynak, mahčymaści supracoŭnictva», — skazaŭ Jakutavičus.
Jon nazvaŭ situacyju biesprecedentnaj — kali raniej Litvoj cikavilisia asobnyja pradprymalniki abo śpiecyjalisty, to ciapier heta kampanii. Hieapalityčnaja stabilnaść, biaśpieka, dostup da rynku ES, bolš davier klijentaŭ da kampanii, zasnavanaj u ES — heta tolki niekalki pryčyn, pa jakich biełaruski biznes cikavicca Litvoj. Praŭda, heta im mohuć prapanavać i inšyja krainy.
Bolšaja častka biełaruskich kampanij choča, kab biełaruskija rabotniki adčuvali siabie ŭtulna, važnyja i sacyjalnyja aśpiekty - mahčymaść atrymańnia pasłuh na ruskaj i anhlijskaj movach, atrymańnia miesca ŭ škołach z vykładańniem na ruskaj, biełaruskaj abo anhlijskaj movie, ukazaŭ Kacinas. «Možna zhadać, što biełaruskaja dyjaspara ŭ Litvie zajmaje treciaje miesca pa kolkaści».
Dyrektar Litoŭskaj asacyjacyi stvaralnikaŭ hulniaŭ Hiedyminas Tarasiavičus skazaŭ, što pieraškoda na šlachu abhruntavańnia biełaruskich kampanij u Litvie — paradak imihracyi. «Jość niuansy ŭ pracy mihracyjnaj słužby. Heta dastaŭlaje niamała kłopataŭ usim ludziam, jakija chočuć pryjechać u Litvu nie ź Jeŭrasajuza i pracavać tut. Ad Minska da Vilni ŭsiaho 150 km, ale biurakratyčnyja barjery, u niekatorych vypadkach — nieprabiŭnaja ściana, mohuć pieratvaryć hetuju adlehłaść u balučy praces», — zaŭvažyŭ Tarasiavičus.
Jon skazaŭ, što imihracyjnych śpiecyjalistaŭ u śfiery IT čakajuć zališnija patrabavańni, jakija ŭskładniajuć praces pracaŭładkavańnia. Tarasiavičus skazaŭ, što, na jahonuju dumku, takija składanyja ŭmovy mohuć pierakreślić usie vartaści, jakija Litva moža prapanavać biełaruskim inviestaram.
Jak ciapier vyhladaje palitźniavoleny Ihar Łosik FOTA4
Kamientary