«Spali pieršuju noč na padłozie». U Breście zatrymanaja na akcyi žurnalistka BiełaPAN troje sutak praviała ŭ IČU
14 kastryčnika ź izalatara časovaha ŭtrymańnia Leninskaha RAUS vyjšła žurnalistka BiełaPAN Miłana Charytonava, piša Tut.by.
U źniavoleńni žurnalist praviała troje sutak. Ź izalatara jaje vypuścili biez suda, ale z papiaredžańniem ab adkaznaści za ŭdzieł u niesankcyjanavanych masavych mierapryjemstvach.
Zatrymali Miłanu z kaleham ź BiełaPAN i mužam Alesiem Leŭčukom na moście pa bulvary Šaŭčenki 11 kastryčnika kala 15.50 padčas niadzielnaha pratestnaha maršu.
— Padjechali busy z AMAPam. Ja pačała zdymać. Jany nie chapali ŭsich, a mienavita nas. Skazali, što buduć praviarać našy akredytacyi. Spačatku nas dastavili ŭ Brescki RAUS. Tam, mabyć, nie było kamu pravieryć. Nas praviali ŭ aŭtazak z astatnimi zatrymanymi i pavieźli ŭ Leninski RAUS, — raspaviała žurnalistka.
U Leninskim RAUS Miłanie i Alesiu stała drenna, jany paprasili vyklikać chutkuju. Miedyki zabrali Alesia i pavieźli ŭ balnicu. Miłanie akazali dapamohu na miescy.
— Chutkaja pryjechała, mnie skazali, što ŭ mianie hipiertaničny kryz, pahrozy žyćciu niama — i zrabili ŭkoł. Potym adpravili ŭ IČU. Tam nas było vosiem čałaviek u šaścimiesnaj kamiery. My ź dziaŭčynaj spali pieršuju noč na padłozie na čymści, što možna nazvać matracam — raspaviała Miłana.
Na trecija sutki paśla zatrymańnia žurnalista adpuścili ź IČU.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary