Zasnavalnik Maps.me Juryj Mielničak rezka adkazaŭ na prapanovu źviarnucca da Łukašenki
Kiraŭnik Bulba Ventures, zasnavalnik Maps.me Juryj Mielničak rezka adkazaŭ na prapanovu razrabotčyka Kanstancina Kanopki, jaki zaklikaŭ viadomych pradstaŭnikoŭ IT-siektara, u pryvatnaści Arkadzia Dobkina, Viktara Prakapieniu, Viktara Kisłaha, Juryja i Dźmitryja Hurskich i inšych, damahčysia sustrečy z Alaksandram Łukašenkam i «pasprabavać pierakanać jaho spynić hvałt».
«Bandyty ŭ maskach i AMAP na vulicach našych haradoŭ źbivajuć biazzbrojnych ludziej: našych siabroŭ i kaleh, mirnych pratestoŭcaŭ, padletkaŭ i piensijanieraŭ. Pra jaki zvarot da Łukašenki moža naohuł iści havorka ŭ hetaj situacyi?! Paprasić cara-baciušku bić nie tak mocna?! Heta stakholmski sindrom. Narmalnaja reakcyja na hvałt — bi abo biažy.
Biełarusy abrali svaim prezidentam Śviatłanu Cichanoŭskuju. Pamahatyja dyktatury skrali našy hałasy i sprabujuć zabrać našy hramadzianskija pravy. Milicyja zamiest taho, kab abaraniać ludziej, ich žorstka źbivaje. KDB i SK zamiest abarony intaresaŭ svajho naroda i pošuku złačyncaŭ, ładziać palityčnyja represii. U hetaj situacyi, ja liču, što pieramovy z Łukašenkam mahčymyja tolki paśla spynieńnia hvałtu i zapusku tranśfieru ŭłady. Darečy, a chto-niebudź z vašaha śpisa jašče znachodzicca ŭ Biełarusi?» — napisaŭ Juryj Mielničak u svaim fejsbuku.
-
Minski ipešnik, jaki pisaŭ ananimki na kankurentaŭ, akazaŭsia dyrektaram turfirmy, jakaja niadaŭna nie daviezła turystaŭ u Ryhu
-
Homielski sienatar chacieŭ pahrecca ŭ pramianiach «Vialikaj Pieramohi», ale jaŭna pierahnuŭ z samapijaram FOTAFAKT
-
Bresckaha biznesmiena zavočna asudzili da 3 hadoŭ kałonii
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary