Minčuki ŭviečary znoŭ vyjšli na pratesty, zatrymali dziasiatki čałaviek
Siońnia ŭ Minsku praciahvajecca pratestnaja aktyŭnaść. U rajonie 18:00 u centry horada ŭ niekatorych miescach pačali źbiracca hramadzianie.
Płošča Niezaležnaści ačeplenaja pa pierymietry. Tam sabralisia niekalki sotniaŭ čałaviek, jakija rušyli pa praśpiekcie ŭ bok Kastryčnickaj płoščy. Pratestoŭcy skandujuć «Žyvie Biełaruś!».
Siłaviki zabłakavali prachod da płoščy Niezaležnaści, ale asnoŭnaja kałona ŭžo pajšła pa praśpiekcie ŭ bok Kastryčnickaj płoščy.
Siłaviki napali na demanstrantaŭ u rajonie supiermarkieta «Centralny». Demanstranty chavalisia ŭ kramach i kaviarniach.
Paźniej demanstranty dajšli da Kastryčnickaj płoščy. Kala Kastryčnickaj skancentravanaja vialikaja kolkaść busikaŭ siłavikoŭ. Adzin jeździć prosta pa chodnikach. U hety čas la «Viačerniaha Minska» na płoščy Pieramohi supracoŭniki DAI pierakryli ruch u bok Kastryčnickaj.
Hrupy pratestoŭcaŭ pačali źbiracca na płoščy Pieramohi.
Paźniej stała viadoma pra zatrymańnie ludziej prosta na płatformie stancyi mietro «Kastryčnickaja».
Na płoščy Jakuba Kołasa razahnali demanstrantaŭ, ludzi raźbiehlisia. Jość zatrymanyja. Tym nie mienš žyvyja łancuhi praciahvajuć vystrojvacca pa ŭsim horadzie.
Ludzi pačali źbiracca nie tolki ŭ centry stalicy, ale i ŭ inšych rajonach i haradach krainy. Naprykład, voś tak vyhladaŭ łancuh salidarnaści ŭ minskaj Łošycy.
U Hrodnie na Savieckaj utvaryŭsia doŭhi žyvy łancuh.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary