Siońnia prajšli matčy siomaha turu čempijanatu Biełarusi pa futbole ŭ vyšejšaj lizie. Dźvie siensacyi, mieždu protčym.
Siońnia prajšli matčy siomaha turu čempijanatu Biełarusi pa futbole ŭ vyšejšaj lizie.
Salihorski «Šachcior» na svaim pole z bujnym likam prajhraŭ FK «Miensk» – 0:5. Zdajecca, los treniera harniakoŭ Juryja Viarhiejčyka vyrašany.
Padvalny mikaševicki «Hranit» u Pinsku vyjhraŭ u mienskaha «Dynama» ź likam 2:1.
Piacirazovy čempijon krain barysaŭski BATE – u haściach u «Viciebska» 0:2. Padapiečnyja Viktara Hančarenki paśla siońniašniaj viktoryi (siomaj zapar) na vosiem punktaŭ adarvalisia ad kankurentaŭ.
MTZ-RIPA – «Dniapro» – 0:1, «Nioman» – «Dynama» Bieraście – 0:1, «Naftan» – «Smarhoń» – 3:0, «Homiel» – «Tarpieda» Žodzina – 2:1.
Turnirnaje stanovišča: BATE – 21, Naftan – 13, Dniapro – 12, Tarpieda, Dynama Miensk, Dynama Bieraście – 11, Nioman – 10, FK «Minsk», FK «Homiel» – 9, MTZ-RIPA – 8, FK «Viciebsk» – 7, «Hranit», «Šachcior» – 6, «Smarhoń» – 4.
***
Učora my paviedamlali, što kłub «Bary», za jaki vystupaje forvard nacyjanalnaj zbornaj Vital Kutuzaŭ, daterminova vyjšaŭ u Sieryju A italjanskaha čempijanatu.
A siońnia pucioŭku ŭ pieršuju niamieckuju bundeślihu zavajavaŭ «Frajburh», za jaki vystupaje były futbalist BATE Vital Radzivonaŭ.
«Frajburh» siońnia vyjhraŭ 5:2 u «Koblenca» i za try tury da finišu harantavaŭ sabie pucioŭku ŭ elitu.
Admietna, što Vital spryčyniŭsia da pieramohi, pastaviŭšy tłustuju kropku na 85-j chvilinie.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary