Pry źmienie pakaleńniaŭ vielmi važna nie razburać stvoranaje, a prajści hety pieryjad pryhoža, zachavaŭšy ŭsie dasiahnieńni suvierennaj Biełarusi. Pra heta zajaviŭ Alaksandr Łukašenka na vystupie pierad kalektyvam i budaŭnikami BiełAES, piša BiełTA.
«Adbyvajecca źmiena pakaleńniaŭ, chočam my hetaha ci nie chočam. Ja bolš za kaho-niebudź heta razumieju. Ale nie treba ničoha łamać. Davajcie, jak razumnyja ludzi, projdziem hety pieryjad źmieny pakaleńniaŭ pa-sapraŭdnamu pryhoža. Bo złamać prosta, a potym adnavić budzie vielmi składana ci, mahčyma, nie atrymajecca, — skazaŭ jon. — Tamu davajcie nie budziem łamać, davajcie nie budziem kidacca ŭ vir hetych padziej».
Alaksandr Łukašenka padkreśliŭ, što adychodziačamu pakaleńniu jość čym hanarycca, jość mnostva dasiahnieńniaŭ, važnych dla krainy. «Našamu pakaleńniu nie soramna, sychodziačy z palityki, ekanomiki, pieradać vam, novamu maładomu pakaleńniu, i pradjavić vam toje, što my stvaryli. Ale samaje hałoŭnaje — my pieradajem našym dzieciam, unukam suvierennuju, niezaležnuju krainu. Upieršyniu ŭ šmatviakovaj historyi my majem svaju dziaržavu z usimi atrybutami», — źviarnuŭ uvahu Łukašenka.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda38
Kamientary