«Skrali try partsihary, try kurtki». Viciebski hubiernatar abvinavaciŭ pradprymalnikaŭ u pierabolšvańni nastupstvaŭ pažaru
Staršynia Viciebskaha abłvykankama Alaksandr Subocin u efiry telekanała ANT raskazaŭ, kamu budzie akazana dapamoha ŭ suviazi z pažaram u viciebskim HC, jaki adbyŭsia 13 śniežnia.
Subocin zajaviŭ, što «chacieŭ by z dvuch bakoŭ padyści».
— Pieršaje: chaciełasia b dapamahčy tym, chto ŭ hetym realna maje patrebu.
Bo na biadzie sioj-toj pačynaje zarablać. Jak u tym u filmie: «skrali try partsihary, try kurtki». Tak jano i tut užo niedzie atrymlivajecca, — skazaŭ jon.
Subocin skazaŭ, što heta pryvatny handlovy centr. I ludzi pracavali pa arendzie.
— I kampiensavać, i dapamahać, viadoma, u pryjarytecie pavinien uładalnik hetaha handlovaha centra. Naša zadača — hladzieć, kab usio było pa spraviadlivaści i pa-česnamu. Ale, tym nie mienš, my nie umyvajem ruki. U nas jeść niekalki aficyjnych miechanizmaŭ, jak ludziam dapamahać. Pa-pieršaje, niedzie navat prymusić uładalnika pradastavić arendnyja płoščy. U jaho ŭ Viciebsku dzieviać handlovych centraŭ. Źviarnulisia ŭžo 50 čałaviek. Jany buduć adkryvać svaje kropki ŭ inšych handlovych centrach.
Nahadaŭ Subocin i pra inšy miechanizm — praź Biełdziaržstrach:
— Im treba pradstavić pakiet dakumientaŭ. Stvorany čat u Viber. Isnuje niekalki pramych linij. Na hety momant źviarnułasia 31 jurydyčnaja i fizičnaja asoba.
Uviečary 13 śniežnia ŭ HC «Biełaruś» adbyŭsia pažar.
Praz try dni stała viadoma ab zatrymańni padazravanych u parušeńni patrabavańniaŭ pažarnaj biaśpieki ŭ HC «Biełaruś». Siarod zatrymanych moža być Viktar Vialuha, zasnavalnik i dyrektar PHUP «MiehaJeŭrateks», u aktyvy jakoha ŭvachodzić HC.
Adna z mahčymych pryčyn pažaru — karotkaje zamykańnia.
Ciapier čytajuć
Bližejšym časam buduć vyzvaleny bolš za 150 palitźniavolenych25
Kamientary
"— I kampiensavać, i dapamahać, viadoma, u pryjarytecie pavinien (!) uładalnik hetaha handlovaha centra. Naša zadača — hladzieć, kab usio było pa spraviadlivaści i pa-česnamu. Ale, tym nie mienš, my nie umyvajem ruki. U nas jeść niekalki aficyjnych miechanizmaŭ, jak ludziam dapamahać. Pa-pieršaje, niedzie navat prymusić (!) uładalnika pradastavić arendnyja płoščy."
ułaśnika, jakoha chutčej za ŭsio i zrobiać vinavatym u pažary i kab ža chacia nie pasadzili